हवाइ इन्धनको मूल्य घटेसँगै भाडा पनि घट्यो

कान्तिपुर संवाददाता

काठमाडौँ — नेपाल आयल निगमले बिहीबार रातिदेखि आन्तरिक तर्फको हवाइ इन्धनको मूल्य घटाएसँगै अन्तरिक हवाइ सेवाको पनि भाडा दर घटेको छ । यो भाडादर आन्तरिक तर्फ उड्ने जहाजहरुले लिने पूरा भाडामा घटेको हो ।

वायुसेवा सञ्चालकहरूको छाता संगठन नेपाल वायुसेवा सञ्चालक संघ (आयोन) का प्रवक्ता घनश्याम आचार्यका अनुसार दुरीको हिसाबमा९० देखि ४४० रुपैयाँसम्म भाडा घटेको छ। उनले भने, ' आइतबारदेखि लागू हुनेगरी फ्युल सरचार्ज (इन्धन शुल्क)मा कम्तीमा ९० रुपैयाँसम्म घटाएइको छ।'

नेपाल आयल निगमले बिहीबार मध्यरातदेखि लागू हुने गरी १०४ रुपैयाँ ५० रुपैयाँको आन्तरिक हवाइ इन्धनको मूल्य ९४ रुपैयाँ ५० पैसा कायम गरेको थियो।

नयाँ भाडादर अनुसार काठमाडौं-सिमरा ९० रुपैयाँ घटेको छ। पहिला ९४० रुपैयाँ लिइँदै आइएको फ्युल सरचार्ज आइतबारदेखि ८५० रुपैयाँ मात्रै लिइनेछ। नयाँ भाडाअनुसार काठमाडौं-सिमरा अब ३१२० रुपैयाँ पर्ने छ।

काठमाडौं-भरतपुर रुटमा पनि ११० रुपैयाँ घटेको छ। पहिला लिइँदै आइएको ११२० रुपैयाँ फ्युल सरचार्ज घटेर अहिले १०१० भएको छ। नयाँ भाडादर अनुसार उक्त रुटमा यात्रा गर्दा यात्रुले ३६५० रुपैयाँ मात्रै तिरे पुग्छ।

यस्तै तुम्लिङटारको भाडा १ सय ८५ रुपैयाँ घटेको छ। उक्त गन्तव्यमा अहिले फ्युल सरचार्ज १९२५ रुपैयाँ लिइँदै आइएको छ भने आइतबार देखि १७४० रुपैयाँ लिइनेछ। आइतबारदेखि काठमाडौं-तुम्लिङटारको नयाँ भाडा ६००० तोकिएको छ।

सबैभन्दा बढी भाडा भने काठमाडौं-धनगढी रुटको घटेको छ। उक्त रुटमा ४४० रुपैयाँ भाडा घटेको छ। पहिला यो रुटमा ४६१६ रुपैयाँ फ्युल सरचार्ज लिइँदै आइएको थियो आइतबारदेखि ४१७५ रुपैयाँ लाग्नेछ। उक्त रुटमा१२६५० रुपैयाँ भाडादर तोकिएको छ।
यस्तै माउन्टेन फ्लाइटमा ३४५ रुपैयाँ भाडा घटेको छ। माउन्टेन फ्लाइटमा पहिला ३५८५ रुपैयाँ फ्युल सरचार्ज लिइँदै आइएको छ भने आइतबारदेखि भने ३२४० रुपैयाँ लिइने छ। आइतबारदेखि यात्रुले उक्त प्लाइटमा ११३०० रुपैयाँ भाडा तिरे पुग्छ।

विस्तृतमा हेर्नुहोस्, कहाँ कति रुपैयाँ भाडा घट्योः

स्रोतःनेपाल वायुसेवा सञ्चालक संघ (आयोन)

प्रकाशित : पुस २७, २०७५ १८:०७
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

दाहालले भने, ‘सरकारको टेन्सन नलिए हुन्छ'

हरिराम उप्रेती

आरुघाट गोरखा — पूर्वप्रधानमन्त्री एवं नेकपा अध्यक्ष पुष्पकमल दाहालले विकास र समृद्धिको यात्रा सफल पार्न १० वर्ष मेहनत गर्नुपर्ने बताएका छन् ।दोस्रो आरुघाट महोत्सव उद्घाटन समारोहलाई सम्बोधन गर्दै उनले विकास र समृद्धिको लक्ष्य भेटाउन सबै मिलेर अघि बढ्नुपर्ने बताए । प्रतिपक्ष दल कांग्रेसतर्फ लक्षित गर्दै सरकारको कामकारबाहीबारे ‘टेन्सन’ नलिन आग्रह गरे ।

‘हामीले राम्रो गरे अर्कोपल्ट पनि सरकारको नेतृत्व हामी गर्छौ, राम्रो गर्न नसके कांग्रेस आउने हो, अरु कुनै दल आउनेवाला छैन,’ दाहालले भने,‘टेन्सन नलिए हुन्छ, मिलेर देशलाई समृद्धितर्फ लैजाने हो ।’ नेपालको विकासको नयाँ युगतर्फ अघि बढेको उनको भनाइ छ । शान्ति प्रक्रियाजस्तै विकास र समिद्धिका लागि राष्ट्रिय सहमति निर्माण गरेर अभियान चलाउनुपर्ने दाहालको भनाइ छ ।

चालु आर्थिक वर्ष आरुघाटलगायत क्षेत्रको मुआब्जा निर्धारणको काम सक्न सरकार प्रतिवद्ध रहेको उनले बताए । ‘बूढीगण्डकी बन्दैन भनेर कसैले पनि आशंका लिनु पर्दैन, के हुन्छ भन्ने लागेको छ भने दिमागबाट हटाउनुस्,’ उनले भने । आरुघाट क्षेत्रको मुअब्जा समुचित रुपले निर्धारण गर्न आफू साथै रहने उनले बताए । ‘आयोजना बन्न अझै ७–८ वर्ष लाग्छ भनेपछि डुबानमा पर्ने मध्यपहाडीको सडक स्तरोन्नती रोक्नु गलत भएको छ, यस विषयमा छलफल हुन्छ,’ उनले भने ।
राजनीतिक जीवन सुरु गर्नुपूर्व आरुघाटमा बिताएको दिनको संझना गर्दै दाहाल भावुकसमेत बने । ‘आरुघाट आउने भनेपछि घरबाट माइत जान लाग्या जस्तो हुन्छ, कुनै कार्यक्रममा सहभागी हुने मौका पाउँदा धेरै काम पन्छाएर यहाँ आउँछु,’ उनले भने । ४२ वर्षअघि दाहालले आरुघाटकै एक विद्यालयमा अध्यापन गराउथे । ‘जीवनकै नयाँ संकल्प लिने उर्वर र उर्जाीशल सयम आरुघाटमा बिताएको छु, यस क्षेत्रको समस्या सँग गहिरो भावनात्मक सम्वन्ध छ,’ उनले भने ।

प्रकाशित : पुस २७, २०७५ १७:४८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT