टुटलले भ्याट छलेको शंकामा अनुसन्धान सुरु

भ्याटमा दर्ता नभए पनि उपभोक्तासँग भ्याट शीर्षकमा रकम असुलेको विषयमा अनुसन्धान सुरु गरिएको आन्तरिक

राजस्व विभागका प्रवक्ता यज्ञ ढुंगेलले जानकारी दिए ।

‘कम्पनीको ठेगाना ललितपुर भएकाले आन्तरिक राजस्व कार्यालय ललितपुरलाई अनुसन्धानका लागि निर्देशन दिइएको छ,’ ढुंगेलले भने, ‘आजैदेखि अनुसन्धान सुरु गरेका छौं ।’

उनले अनुसन्धानका क्रममा कमजोरी भेटिए कानुनअनुसार कारबाही गरिने बताए । टुटलले भ्याटमा दर्ता नभए पनि सन् २०१७ को जनवरीदेखि २०१८ को जुलाईसम्म भ्याट शीर्षकमा रकम असुलेको भन्दै समाचार प्रकाशित भएपछि विभागले अनुसन्धान थालेको हो ।