कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १६१

शुभकार्यलाई ‘करोडपति सिजन–३’ को १० लाख हस्तान्तरण

काठमाडौँ — कान्तिपुरको वार्षिक ग्राहक योजनाअन्तर्गत ‘करोडपति सिजन–३’ को पहिलो मासिक विजेता शुभकार्य सेभिङ एन्ड क्रेडिट लिमेटेडलाई १० लाख रुपैयाँ हस्तान्तरण गरिएको छ ।

शुभकार्यलाई ‘करोडपति सिजन–३’ को १० लाख हस्तान्तरण

सोमबार थापाथलीस्थित कान्तिपुर पब्लिकेन्सन्सको कार्यालयमा कान्तिपुर दैनिकका समाचार सम्पादक श्रीश भण्डारीले शुभकार्यका प्रबन्ध निर्देशक सुमन कार्कीलाई नगद हस्तान्तरण गरेका थिए ।

आलोकनगर, नयाँ बानेश्वरमा रहेको शुभकार्य सेभिङका तर्फबाट राजेश लामा, विवश मगर, तेज साहु र कृष्ण तामाङले पनि नगद बुझिलिए । ‘पुरस्कार जित्नुभन्दा १५ दिनअघिसम्म मैले व्यक्तिगत ग्राहकका रूपमा सब्स्क्रिप्सन लिएको थिएँ,’ कार्कीले भने, ‘संस्थाबाट ग्राहक भएपछि पुरस्कार जितियो, झन् खुसी लागेको छ ।’ आफूले जितेको भए अनायास खर्च भएर सकिनेमा अब संस्थागत प्रयोजनमा खर्च गर्ने उनले बताए । सदस्यसँग सल्लाह गरेर केही प्रतिशत समाज सेवामा लगाउने उनको भनाइ थियो ।

केहीअघि गरिएको ‘लक्की ड्र’ मा संस्थाको नाम परेको थियो । ‘पत्रिकामा संस्थाको नाम आएको छ भनेर दाइले फोन गर्नुभयो,’ कार्कीले भने, ‘म त डराएँ । गल्ती त केही गरेको छैन, किन नाम आयो भन्ने लाग्यो ।’

हरेक साता आइतबार कान्तिपुर टेलिभिजनको ‘कल कान्तिपुर’ कार्यक्रममा ‘लक्की ड्र’ हुने गरेको छ । कान्तिपुर वार्षिक ग्राहक योजनामा कान्तिपुर दैनिक र द काठमाडौं पोस्टका वार्षिक ग्राहकले सहभागिता जनाउन पाउनेछन् ।

लक्की ड्रमार्फत एक जना ग्राहकले बम्पर उपहारका रूपमा एक करोड नगद पाउनेछन् । ‘लक्की ड्र’ मार्फत मासिक १० लाख रुपैयाँ जित्न सक्नेछन् । साप्ताहिक ‘लक्की ड्र’ मा १ लाख रुपैयाँ नगद पाउनेछन् ।

ग्राहक बन्नासाथ ग्राहकले हातहातै शिखर इन्स्योरेन्सबाट ५ लाखको दुर्घटना बिमासहित स्वास्थ्य बिमामा ७ सय ५० रुपैयाँ छुट पाउनेछन् । र्स्क्याच कार्डमार्फत २ सयदेखि २ हजार ५ रुपैयाँसम्मको नगद छुट पाउनेछन् । पत्रिकाको ग्राहकले ल्यापटप, एलईडी टीभी, स्मार्ट फोन, वायरलेस हेड फोन, स्मार्ट वाचसमेत पाउनेछन् ।

प्रकाशित : जेष्ठ ७, २०७६ १०:२४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?