मोबाइल बैंकिङ प्रयोग गर्ने ७० लाख पुगे
काठमाडौँ — नेपालमा मोबाइल बैंकिङ प्रयोगकर्ताको संख्या ७० लाख पुगेको राष्ट्र बैंकले जनाएको छ । यो चैत मसान्तसम्मको तथ्यांक हो । नेपालभर कूल ३ हजार १ सय ८८ एटीएम मेसिन रहेको राष्ट्र बैंकको तथ्यांक छ ।
यस्तै, इन्टरनेट बैंकिङ प्रयोग गर्नेको संख्या ८ लाख ९३ हजार रहेको तथ्यांक छ ।
नेपालमा ८१ हजारले डेबिट कार्ड र १ लाख १२ हजारले क्रेडिट कार्ड प्रयोग गर्ने गरेको राष्ट्र बैंकले जनाएको छ ।
गभर्नर चिरञ्जिवी नेपालले बुधबार सार्वजनिक गरेको मौद्रिक नीतिमा डिजिटल कारोबारलाई प्रोत्साहन गर्ने गरी नीति बनाउने घोषणा गरिएको छ ।
प्रकाशित : श्रावण ८, २०७६ १७:५२प्रतिक्रिया