आगलागीपछि सुबिसुको ९० प्रतिशत सेवा सुचारु
काठमाडौँ — गत बुधबार सुबिसु केवलनेट प्रालीको बालुवाटारमा रहेको डाटा सेन्टरमा भएको भिषण आगलागी पछि अवरुद्ध सेवा लगभग ९० प्रतिशत सुचारु भैसकेको कम्पनीले जानकारी दिएको छ ।
बुधबार दिउँसो जेनेरेटरका लागि स्टोर गरेर राखिएको पेट्रोलबाट अचानक आगलागी सुरु भएको थियो । आगलागीका कारण डाटा सेन्टरमा ठूलो भौतिक क्षति भएपनि २०७२ सालको महाभूकम्पपछि ‘डिजास्टर रकभरी सेन्टर’ पनि संचालन गरेकोले महत्वपूर्ण सेवाहरु आगलागी भएको केही बेरमा नै सुचारु गर्न सकिएको कम्पनीले बताएको छ ।
हाल बालुवाटारको डाटा सेन्टरबाट सुविधा प्राप्त गरिरहेका केही ग्राहकहरुको सेवा सुचारु गर्ने प्रयास भइरहेको र त्यसका लागि अझै केही दिन लाग्ने कम्पनीले बताएको छ ।
प्रतिक्रिया
