न्युजिल्यान्डको श्रीलंकामाथि १० विकेट जित
कार्डिफ — न्युजिल्यान्डले विश्वकपको आफ्नो पहिलो खेलमा खराव समयबाट गुज्रिरहेको श्रीलंकामाथि शनिबार १० विकेटको सजिलो जित निकालेको छ ।
यो सुदृढ जितपछि न्युजिल्यान्डले प्रतियोगिताका बाँकी टिमलाई कडा चेतावनी पनि दिएको छ । न्युजिल्यान्डले जितका लागि १ सय ३७ रनको लक्ष्य पाएकोमा त्यसलाई सजिलै १६.१ ओभरमा विना विकेट क्षति पूरा गर्यो ।
न्युजिल्यान्डका लागि प्रारम्भिक ब्याटिङ जोडीमध्ये मार्टिन गुपटिलले ७३ रन र कोलिन मुनराले ५८ रन बनाए । यसअघि श्रीलंका २९.२ ओभरमा १ सय ३६ रनभित्र समेटिएको थियो ।
श्रीलंकाका लागि कप्तान दिमुथ करुनारत्नेले सर्वाधिक ५२ रन बनाए र नटआउट रहे । किवी बलरमध्ये म्याट हेनरी र लकी फर्गुसनले तीन तीन विकेट लिए ।
प्रकाशित : जेष्ठ १८, २०७६ १९:४३