पाकिस्तानको सम्भावना जीवन्त
बर्मिङघम — पाकिस्तानले विश्वकप क्रिकेट २०१९ मा बुधबार न्युजिल्यान्डलाई ६ विकेटले हराएर सेमिफाइनल प्रवेशको सम्भावना जीवन्त राखेको छ ।
प्रतियोगितामा न्युजिल्यान्डको यो पहिलो हार हो । पहिले ब्याटिङ गरेको न्युजिल्यान्डले ६ विकेटमा २ सय ३७ रन बनाएको थियो । जवाफमा पाकिस्तानले ४९.१ ओभरमा ४ विकेट गुमाएर २ सय ४१ रन बनायो ।
त्यसमा पाकिस्तानका लागि बाबर आजमले उत्कृष्ट नटआउट शतक बनाए । पाकिस्तानले यसअघि दक्षिण अफ्रिकालाई हराएको थियो र अब उसको ७ अंक भएको छ ।
प्रकाशित : असार १२, २०७६ ०८:०७