सिड्नीका साहित्यकारको क्यानबेरामा कार्यक्रम

कान्तिपुर संवाददाता

अष्ट्रेलिया — सिड्नीमा रहेर नेपाली साहित्यमा कलम चलाउँदै आएका नेपाली साहित्यकारहरुले अष्ट्रेलियाको राजधानी क्याबेरामा साहित्यिक कार्यक्रम सम्पन्न गरे । अनेसास रिजनल टुर नाम दिइएको उक्त साहित्यिक कार्यक्रममा करिब ५ दर्जन बढीले सिड्नीबाटै सहभागिता जनाएका थिए ।

सिड्नी र क्यानबेरामा रहेका साहित्यकारहरु सम्मिलित कार्यक्रम साहित्यमय बनेको थियो । बालबालिका देखि बृद्धबृद्धासम्म सहभागी बनेका उक्त साहित्यिक कार्यक्रममा आयोजक अन्तराष्ट्रिय नेपाली साहित्य समाज (अनेसास) का पदाधिकारीहरुका साथै नेपालबाट आएका पत्रकार ध्रुवहरि अधिकारी, साहित्यकारहरु केदार पोखरेल लगायतको समेत सहभागिता रहेको थियो । नेपाली भाषा, साहित्य र संगीतको जर्गेनामा लागिपरेको समाजको न्यु साउथ वेल्स शाखाले दुई भिन्न राज्यहरुमा रहेका नेपाली साहित्यकारहरुबिचमा जमघट गर्ने र साहित्यिक छलफल गर्ने उद्देश्यले कार्यक्रमको आयोजना गरेको आयोजक संस्थाका उपादक्ष्य बिकास उप्रेतीले जानकारी दिए ।

क्यानबेरामा रहेको हिउजेज कम्युनिटी हलमा आयोजना गरिएको कार्यक्रममा क्यानबेरास्थित नेपाली दुतावासका कार्यवाहक राजदुत राजेन्द्र पाण्डे, स्थानीय अगुवा कृष्ण हमाल लगायतले समेत सहभागिता जनाएका थिए । कार्यक्रममा कविता, गजल, मुक्तक लगायतका साहित्यिक रचनाहरु बाचन गरिएको थियो । कार्यक्रम अनेसास न्यु साउथ वेल्सकी अध्यक्ष सानु घिमिरेको अध्यक्षतामा सम्पन्न भएको थियो । कार्यक्रममा अनेसासको क्यानबेरा शाखा विस्तारका लागि सिद्धिबिनायक अधिकारीलाई संयोजक समेत चुनेको छ ।

प्रकाशित : चैत्र ७, २०७३ १३:३३
प्रतिक्रिया
पठाउनुहोस्

काठमाडौंकाे जमलमा भएकाे राप्रपाको प्रदर्शनमा लाठी र अश्रुग्यास प्रहार [फोटोसहित]

दर्जनौ घाइते भएको राप्रपाको भनाई, को को घाइते भए नामावलीसहित
अंगद ढकाल

काठमाडौं — पार्टीको विधानबाट हिन्दू धर्म र राजसंस्था शब्द हटाएको विरोधमा राष्ट्रिय प्रजातन्त्र पार्टी (राप्रपा)ले गरेको प्रदर्शनमा तनाव भएको छ । आयोगको निर्णय पुनर्विचार गर्न माग गर्दै सोमबार दिउँसो बहादुर भवनस्थित निर्वाचन आयोग घेराउ गर्न गएको राप्रपाको ठूलो समूहले प्रहरी घेरा तोड्ने प्रयास गरेपछि लाठी चार्ज र अश्रुग्यास प्रहार गर्‍यो ।राप्रपा पुष्पकमल दाहाल नेतृत्वको सरकारमा चार मन्त्री र राज्यमन्त्रीसहित तेस्रो शक्तिकोरुपमा सहभागी छ ।

पार्टीको विधानबाट हिन्दू धर्म र राजसंस्था शब्द हटाएको विरोधमा राष्ट्रिय प्रजातन्त्र पार्टी (राप्रपा)ले गरेको प्रदर्शनमा तनाव भएको छ ।

आयोगको निर्णय पुनर्विचार गर्न माग गर्दै सोमबार दिउँसो बहादुर भवनस्थित निर्वाचन आयोग घेराउ गर्न गएको राप्रपाको ठूलो समूहले प्रहरी घेरा तोड्ने प्रयास गरेपछि लाठी चार्ज र अश्रुग्यास प्रहार गर्‍यो ।

राप्रपा पुष्पकमल दाहाल नेतृत्वको सरकारमा चार मन्त्री र राज्यमन्त्रीसहित तेस्रो शक्तिकोरुपमा सहभागी छ ।

घाइतेहरुको नामावलि यसप्रकार रहेको छ:

राप्रपाले जारी गरेकाे बिज्ञप्ति अनुसार पूर्व अध्यक्ष पशुपति शमसेर राणासहितका नेता तथा कार्यकर्ताहरु घाइते भएका छन् । साँसदहरु विक्रमबहादुर थापा र सयन्द्र बान्तवा, प्रबक्ता रोशन कार्की, केन्द्रीय सदस्य कोमल ओलीलगायत घाइते भएको पनि उल्लेख गरेको छ ।

सत्तारुढ राप्रपाका अध्यक्षसमेत रहेका उपप्रधान एवं स्थानीय विकास मन्त्री कमल थापाको नेतृत्वमा आयोगमा धर्ना दिने कार्यक्रम थियो । तर, धर्नामा थापा देखिएनन् ।

धर्नामा पूर्वअध्यक्ष पशुपतिशमसेर जबरा भने सहभागी थिए । स्थिति तनावपूर्ण भएपछि उनलाई सुरक्षाकर्मीले सुरक्षित स्थलतर्फ लगेका थिए ।

प्रहरीले लाठीचार्ज र अश्रुग्यास हान्न सुरु गरेपछि राप्रपाका कार्यकर्ताले पनि ढुंगामुढा गरेका थिए ।

राप्रपाको विधानमा रहेको राजसंस्था र हिन्दू राष्ट्रसम्बन्धी वाक्यांश नेपालको संविधानसँग बाझिएको भन्दै आयोगले शुक्रबार हटाइदिएको थियो ।

राप्रपाको विधानको प्रस्तावनामै ‘पूर्ण धार्मिक स्वतन्त्रतासहितको सनातन हिन्दुराष्ट्र एवं राजसंस्थासहितको लोकतन्त्रको मान्यता अभिवृद्धि र कायम गर्न’ भन्ने वाक्यांश थियो । विधानको धारा ५ मा ‘नेपालमा सनातन हिन्दुत्वको भावना अभिवृद्धि गर्ने’ भन्ने वाक्यांशसमेत उल्लेख थियो ।

राप्रपाको एकता महाधिवेशनले पारित गरेको विधानमा उल्लिखित हिन्दू राष्ट्र र राजसंस्थासम्बन्धी वाक्यांश मुलुकको संविधानसँग मेल नखाएकाले विधानबाट हटाइएको प्रमुख निर्वाचन आयुक्त अयोधीप्रसाद यादवले आइतबारको पत्रकार सम्मेलनमा बताएका थिए ।

प्रकाशित : चैत्र ७, २०७३ १३:३३
पूरा पढ्नुहोस्
प्रतिक्रिया
पठाउनुहोस्