फुटबल स्टार मेसीबारे नेपाली पत्रकारको डकुमेन्ट्री

दिनेशजंग शाह

न्युयोर्क — स्पेनीस क्लब बार्सिलोनाका फुटबल स्टार लियोनेल मेसीको बारेमा नेपाली पत्रकार किरण मरहठ्ठाले निर्माण गरेको डकुमेन्ट्री‘मेसी, द म्यान एट बार्सा’ को प्रिमियर सो अमेरिकामा हुने भएको छ ।

दुई बर्ष अघि पत्रकार मरहठ्ठाले डेकुमेन्ट्री निमार्णको क्रममा स्पेनीस क्लबबार्सिलोनाको घरेलु मैदान‘नउक्याप’ पुगेर मेसीको अन्तर्वार्ता समेत लिएकाथिए । जुन डकुमेन्ट्रीको प्रमुखआर्कषण रहेको छ । 

नेपाल अमेरिका फिल्म सोसाइटीको आयोजनामा प्रत्येक बर्ष मे ५ देखि ७तारिखसम्म सञ्चालन हुने, नेपाल अमेरिका अन्तर्राष्ट्रिय चलचित्र महोत्सवमा अन्तर्राष्ट्रिय चलचित्र विधामा यसपटक सो डकुमेन्ट्री देखाइने महोत्सवका निर्देशक पूर्णसिंह बराइलीले जानकारी दिए । अंग्रेजी, स्पेनिस र कातलानगरि ३ भाषामा निर्माण गरिएको डकुमेन्ट्री ३० मिनेटको रहेको छ । ‘यो डकुमेन्ट्रीले एक नेपाली पत्रकारको अन्तर्राष्ट्रिय क्षमतालाई उजागर गरेको छ, मेसी जस्तो विश्वप्रसिद्व फुटबलस्टारको बारेमा डकुमेन्ट्री निर्माण गर्नु प्रसंसनीय कार्य हो,’ कान्तिपुरसँगको कुराकानीमा महोत्सवका निर्देशक बराइलीले भने ।  

निर्देशक मरहठ्ठाले डकुमेन्ट्री विश्वविख्यात खेलाडि र बार्सिलोनाक्लबलाई नेपाल सँगजोड्ने अभियान भएको दाबी गरे । मरहठ्ठाले भने, 'डकुमेन्ट्रीमा मैले बार्सिलोनाक्लवको अतिरिक्त अर्जेन्टिनी स्टार मेसी र उनको बार्सिलोना टिमलाई नेपालसँग जोड्ने प्रयत्न गरेको छु ।’ नेपालबारे मेसी लगायतअन्य स्टार खेलाडीको प्रतिक्रिया डकुमेन्ट्रीमा समावेश गरिएको छ । 

एसिया, युरोप र अमेरिकाका २० वटा चलचित्रहरु प्रर्दशन गरिने महोत्सवको उद्घाटन दीपक रौनियार निर्देशित ‘सेतो सूर्य’ बाट हुनेछ भने समापन मीनबहादुर निर्देशित ‘कालो पोथी’ बाट हुने कार्यक्रम छ । यूनीभर्सिटी अफ मेरिल्याण्डको होम थिएटर, बाल्टिमोरमा ३ दिनसम्मचल्ने चलचित्रमहोत्सवमा विभिन्न विधामा उत्कृष्ट चलचित्रलाई पुरस्कृत  गरिने निर्देशक बराइलीले जानकारी दिए । 

महोत्सवमा नेपाली डायस्पोरा र चलचित्र विषयक अन्तर्क्रियाको कार्यक्रम पनि राखिएको छ ।

प्रकाशित : वैशाख ११, २०७४ १०:१७
प्रतिक्रिया
पठाउनुहोस्

डीआईजी नवराज सिलवाल प्रहरी नियन्त्रणमा

जनकराज सापकोटा,

काठमाडौं — नेपाल प्रहरीका डीआईजी नवराज सिलवाललाई प्रहरीले नियन्त्रणमा लिएको छ ।दुई नम्बर गणका एसपी विक्रम चन्दको नेतृत्वमा रहेको चार पाँच जना प्रहरीको टोलीले सोमबार बिहान सिलवाललाई बालकुमारीस्थित सनराइज होमबाट नियन्त्रणमा लिएको हो ।

नेपाल प्रहरीका डीआईजी नवराज सिलवाललाई प्रहरीले नियन्त्रणमा लिएको छ ।

दुई नम्बर गणका एसपी विक्रम चन्दको नेतृत्वमा रहेको चार पाँच जना प्रहरीको टोलीले सोमबार बिहान सिलवाललाई बालकुमारीस्थित सनराइज होमबाट नियन्त्रणमा लिएको हो । ‘तपाईंलाई बयानका लागि बोलाएको छ, जानुपर्‍यो’ भनेर पुगेका चन्दलाई सिलवालले फर्काउन खोजेका थिए ।

चन्दले जबरजस्ती प्रहरीको गाडीमा चढाउन खोजेपछि सिलवाल आफ्नै गाडीमा आउँछु भनेर निस्किए । सिलवालले बालुवाटारस्थित निवास पुगेर कानुनी परामर्शका लागि वरिष्ठ अधिवक्ता शम्भू थापालाई लिएर प्रहरी हेडक्वार्टर गएका हुन् ।

वरिष्ठ अधिवक्ता थापाले पनि आफू सिलवालसँगै प्रहरी हेडक्वार्टर गएको बताए ।

प्रहरी प्रवक्ता सर्वेन्द्र खनालले भने सिलवाललाई बयानका लागि प्रहरी प्रधान कार्यालय नक्साल बोलाइएको तर पक्राउ नगरेको दाबी गरे ।

प्रहरी महानिरीक्षक (आईजीपी) प्रकाश अर्यालले बोलाएको प्रहरी समन्वय समिति (पीसीसी) लगायतका बैठकमा नगएपछि प्रहरी प्रधान कार्यालयले सिलवाललाई स्पष्टिकरण सोधेको थियो ।

सरकारले गत फागुनमै जयबहादुर चन्दलाई आईजीपी बनाएपछि त्यसविरुद्ध सिलवाल अदालत गएका थिए । अदालतले चन्दको बढुवा रद्द गरेपछि सरकारले अर्याललाई प्रहरी महानिरीक्षक बनाएको थियो । सिलवाल पुन: अदालत गए पनि अर्याललाई कामबाट रोक्न अन्तरिम आदेश जारी भएन । बरु, कार्यसम्पादन मूल्यांकनको सक्कल कपी मागिएको छ । यसबारे पूर्ण इजलासमा १९ गते सुनुवाई हुँदैछ ।

प्रकाशित : वैशाख ११, २०७४ १०:१७
पूरा पढ्नुहोस्
प्रतिक्रिया
पठाउनुहोस्