मलेसियाका फिर्ती केन्द्रबाट ४१ नेपाली फर्काईयो

कान्तिपुर संवाददाता

क्वालालम्पुर — मलेसियामा विभिन्न अभियोगमा कानुनी सजायपछि घरफिर्ती केन्द्रमा रहेका ४१ जनाको उद्दार गरिएको छ । नेपाली दूतावासले मलेसियाकै ठूलो फिर्ती कन्द्रहरुमध्येको एक ‘लेङगेङ्ग’ बाट ३८ जना, ‘तेरेङगानु’ बाट १ जना र ‘केलान्तान’ बाट २ जनालाई स्वदेश फर्काइएको जनाएको छ । उनीहरु हवाईटिकट अभावमा महिनौंदेखि ती फिर्तीकेन्द्रहरुमा अलपत्र थिए ।

उनीहरुमध्ये ३ जनालाई गत बुधबार र ३८ जनालाई गत बिहीबार नेपाल फर्काइएको हो । दूतावासले तेरुङगानुबाट रानीपोरिया–३ नवलपरासीका चित्र बिक, केलान्तान फिर्ती केन्द्रबाट चाागी–१ ताप्लेजुङका सुरेन्द्र लिम्बु र विन्ध्यावासिनी–३ पर्साका ब्रुबिहारी साहकानुलाई फकाईएको जनाएको छ ।

Yamaha

उद्दार गरी फर्काइएकामध्ये मृत्युदण्ड सजायबाट सफाई पाएका बारा–२ कलैयाका ललित चौधरी समेत छन् ।

फिर्ती केन्द्रमा रहेका नेपालीहरुलाई उद्दार गर्न दूतावासले सक्रियता देखाउँदै आएको छ । यसअघि लेङगेङ्ग फिर्तीकेन्द्रमा रहेका नेपालीहरुको अवस्थाबारे थप विवरण लिएपछि दूतावासले पछिल्लोपटक उनीहरुको उद्दार गरेको हो । दूतावासले फिर्ती केन्द्रमा अलपत्र बाँकी नेपालीहरुलाई पनि उद्दार गर्ने कार्य जारी रहेको जनाएको छ ।

Esewa Pasal

प्रकाशित : वैशाख २३, २०७४ ०९:०३
प्रतिक्रिया
पठाउनुहोस्
ADVERTISEMENT

टोटनहमलाई हारको चोट

एजेन्सी

काठमाडौं — इङलिस प्रिमियर लिगको उपाधि होडमा रहेको टोटनहम शुक्रबार राति वेस्ट ह्यामको हातबाट १–० ले पराजित रह्यो । लन्डन डर्बीमा बेहोरेको यो हारले उसको उपाधि सपनामा चोट पुगेको छ ।

वेस्ट ह्यामको घरेलु मैदानमा भएको खेलमा उसका लागि म्यानुएल लान्जीनीले ६५ औं मिनेटमा निर्णायक गोल गरे । यो नतिजाले लिग तालिकाको शीर्ष स्थानमा रहेको चेल्सीको उपाधि सम्भावना अझ बलियो बनेको छ ।

अब चेल्सीले आफूले खेल्नु पर्ने लिगका अन्तिम चार खेलमध्ये दुईमा विजयी रहे, लिग उपाधि उसको हुनेछ । लिग तालिकामा चेल्सीको ३४ खेलबाट ८१ अंक छ । एक खेल बढी खेलेको टोटनहमको ७७ अंक छ र यो चार अंकको दूरी हो । 

प्रकाशित : वैशाख २३, २०७४ ०९:००
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT