गायक दाजुभाइ सत्य–स्वरूपराज आचार्यलाई यहाँका नेपाली दर्शकश्रोताले राम्रै साथ दिएका छन् । रेडियो र टेलिभिजनमा मात्र देख्दै र सुन्दै आएका गायकहरूले अस्ट्रेलियाका पाँच सहरमा अपेक्षित मनोरञ्जन बाँडिसकेका छन् । डेढमहिने सांगीतिक प्रस्तुति लिएर आएका सत्य–स्वरूपलाई डार्बिनदेखि सिडनीसम्मका नेपालीले उत्तिकै माया दिएका छन् ।
‘बुद्धम शरणम गच्छामी...।’ पृष्ठभूमिमा यही मन्त्र गुन्जिरहेको छ । अरु बेला बिरक्तलाग्दो देखिने ब्रिटेनको मौसम खुलेको छ । लन्डनको केन्द्र ‘ट्राफलगर स्क्वायर’ मा मानिसहरु एकत्रित छन् एउटा भिन्न उद्देश्यले । भगवान गौतम वुद्धको शान्ति उपदेश र उनी नेपालमा जन्मिएका हुन् भन्ने सन्देश विश्वमाझ फैलाउन नेपाली समुदाय एकत्रित छ ।
ओमनस्थित नेपाली एकता समाजले विदामा गएका घरेलु कामदारलाई पुन: श्रमस्वीकृति दिन माग गरेको छ । समाजले मस्कटस्थित नेपाली दूतावासमार्फत सरकारलाई ज्ञापन पत्र पेश गर्दै सो माग गरेको हो । समाजले विदामा गएकालाई आउन रोक लगाउने कार्य गलत भएको वताएको छ ।
नेपाली मूलका बच्चुकैलाश कैनी बेलायतको संसदीय निर्वाचनका लागि लेबर पार्टीबाट उम्मेदवार छानिएका छन् । यसअघि छानिएकी डेजी पेजले शुक्रबार पारिवारिक कारण देखाउँदै चुनाव नलड्ने जनाएपछि लेबर पार्टीका डार्टफोर्ड काउन्सिलर कैनीलाई संसदीय निर्वाचनमा उम्मेदवार बन्ने अवसर जुरेको हो ।
लेबर पार्टीबाट डार्टफोर्ड काउन्सिलर नेपाली मुलका डा. बच्चु कैलाश कैनी बेलायतको संसदीय निर्वाचनका लागि उम्मेदवार छानिएका छन् । यसअघि छानिएकी डेजी पेजले शुक्रबार पारिवारिक कारण देखाउँदै चुनाव नलड्ने भएपछि कैनीलाई संसदीय निर्वाचनमा उम्मेदवार बन्ने अवसर जुरेको हो ।
गैर आवसीय नेपाली संघ, साउदी अरवले आममाफी प्रक्रियामा सहभागी भएर घर फिर्न चाहेका ३१ जना नेपालीलाई दमाममा आश्रयस्थल दिएको छ । दमामस्थित सिको गार्डेनमा खुल्ला आकासमुनी बस्न बाध्य भएपछि एनआरएनले उनीहरुलाई आश्रय दिएको महासचिब तेज थापाले कान्तिपुरलाई वताएका छन् ।
कलाकार दीपक क्षेत्रीको उपचारार्थ बेल्जियमस्थित क्षेत्री समाजकी महासचिव यशु थापाको अगुवाईमा संकलित गरी पठाएको १ लाख १ सय रुपैयाँ शुक्रबार डिल्लीबजारस्थित उनकै निवासमा गएर हस्तान्तरण गरियो ।
दक्षिण कोरियाको गजेदोस्थित देउ कम्पनीमा कार्यरत एक नेपाली कामदारको शनिबार बिहान हृदयघातका कारण मृत्यु भएको छ । मोरङ जिल्ला विराटनगर ४ कमल टोल निवासी उमेशचन्द्र पौडलको निधन भएको डेउ नेपाली एकता समाजका अध्यक्ष अंशुबर्मा लिम्बूले जानकारी गराए ।
मलेसियामा विभिन्न अभियोगमा कानुनी सजायपछि घरफिर्ती केन्द्रमा रहेका ४१ जनाको उद्दार गरिएको छ । नेपाली दूतावासले मलेसियाकै ठूलो फिर्ती कन्द्रहरुमध्येको एक ‘लेङगेङ्ग’ बाट ३८ जना, ‘तेरेङगानु’ बाट १ जना र ‘केलान्तान’ बाट २ जनालाई स्वदेश फर्काइएको जनाएको छ । उनीहरु हवाईटिकट अभावमा महिनौंदेखि ती फिर्तीकेन्द्रहरुमा अलपत्र थिए ।
मानव तस्करहरुको ‘सेटिङ’मा घरेलु कामदार (हाउसमेड) खाडी देशसहित इराक र सिरिया पुग्नु नौलो होइन । नेपालकै विमानस्थल समेत सहज रुपमा प्रयोग गर्दैै आइरहेका उनीहरुका प्रमुख रोजाई भारतको विभिन्न विमानस्थल नै हुने गर्छ ।
नेपालको आसन्न स्थानीय निर्वाचनका लागि प्रमुख राजनीतिक दलले प्रवासस्थित भातृ संगठनबाट आर्थिक सहयोग मागेका छन् । केन्द्रलाई प्रत्यक्ष सहयोग पठाउन नभनी नेतृत्वले जिल्लाका उम्मेदवारहरुलाई सहयोग गरिदिन अपिल गरेको हो ।
चलचित्र ‘सायद २’को जापानबाट प्रदर्शनको सुरूवात गरिने भएको छ । जापानको राजधानी टोकियोको नाकानो जिरो हलमा विशेष प्रदर्शनपछि नेपालका हलमा लाग्ने भएको हो ।
२८.१२°C काठमाडौं
