अस्ट्रेलियामा सत्य–स्वरुप

नारायण खडका

अस्ट्रेलिया — गायक दाजुभाइ सत्य–स्वरूपराज आचार्यलाई यहाँका नेपाली दर्शकश्रोताले राम्रै साथ दिएका छन् । रेडियो र टेलिभिजनमा मात्र देख्दै र सुन्दै आएका गायकहरूले अस्ट्रेलियाका पाँच सहरमा अपेक्षित मनोरञ्जन बाँडिसकेका छन् । डेढमहिने सांगीतिक प्रस्तुति लिएर आएका सत्य–स्वरूपलाई डार्बिनदेखि सिडनीसम्मका नेपालीले उत्तिकै माया दिएका छन् ।

नयाँ वर्षको अवसर पारेर एडिलेडदेखि सुरु भएको उनीहरूको यात्रा मेलबर्न, ब्रिसबन हुँदै डार्बिन र सिडनीसम्म पुगेको हो । चाँडै अर्काे सहर पर्थमा उनीहरू सुनिँदै छन् । 

‘अस्ट्रेलियाका नेपालीहरूले जुन माया र सम्मान हामीप्रति देखाइदिनुभएको छ, त्यसको बयान गर्न सक्तैनौं,’ शनिबार सिडनीको प्रस्तुतिपछि गायकद्वयले कान्तिपुरसँग भने, ‘हामीले दर्जनौं देश घुमिसके पनि यहाँ पाउने आतिथ्य र मायामा अलग किसिमको आफ्नोपना पाएका छौं ।’ 

Citizen

नेपाली गीतसंगीतको क्षेत्रमा काम गर्दै आएको अन्तर्राष्ट्रिय नेपाली कलाकार समाज (इनास) ले सिड्नीमा गरेको कन्सर्टमा उनीहरूले डेढ दर्जनभन्दा बढी गीत प्रस्तुत गरेका थिए । आफ्ना बुबा भजनशिरोमणि भक्तराज आचार्यका गीतहरूदेखि आफ्ना नयाँ–पुराना गीतसम्म सुनाए ।

कन्सर्टमा यहाँ बसोबासरत नेपाली गायकगायिकाहरू प्रवेश अधिकारी, सुम्निमा सिंह र केदार बरुवालले समेत गीत सुनाएका थिए । राजेश्वर घिमिरेको कृति ‘गौतमबुद्धको सहर’ लोर्कापण गरिएको थियो ।

कन्सर्टमा इनासले कलाकार दीपक क्षेत्रीको सहयोगार्थ संकलन गरेको ३ हजार २ सय ७९ अस्ट्रेलियन डलर गायकद्वयलाई हस्तान्तरण गरेको थियो ।

प्रकाशित : वैशाख २६, २०७४ ०९:५१
ADVERTISEMENT
ADVERTISEMENT
प्रतिक्रिया
पठाउनुहोस्

‘कारखाना’ को ट्रेलर

कान्तिपुर संवाददाता

काठमाडौं — ‘होस्टेल रिटन्र्स’ बाट डेब्यु गरेका नायक सुशील श्रेष्ठ र वर्षा शिवाकोटीको मुख्य भूमिका रहेको ‘कारखाना’ को सोमबार ट्रेलर रिलिज गरिएको छ ।

नारीप्रधान भनिएको फिल्मलाई अमरद्वीप सापकोटाले निर्देशन गरेका हुन् । सामाजिक सन्देश प्रवाह गर्ने दाबी गरिएको उक्त फिल्मको मूल कथालाई भने निर्माण पक्षले गोप्य राखेको छ । 

‘अधिकांशले फिल्मको नामलाई लिएर जिज्ञासा राखिरहनुभएको छ,’ निर्मातामध्येका सुदीप खड्काले पत्रकारसमक्ष भने, ‘यो नाम कलकारखानासँग सम्बन्धित छैन । के छ भन्ने कुरा फिल्म हेरेपछि मात्रै छर्लङ्ग हुनेछ ।’ उनले निर्देशक अमरद्वीपले नै तयार पारेको पटकथालाई युनिक विषय रहेको दाबी गरे । त्यसो त निर्देशकले पनि आफूले छनोट गरेको विषयमा आफूले अहिलेसम्म कुनै फिल्म बनेको नभेटेको पनि बताए । वर्षाले पनि सामाजिक मुद्दालाई उठान गरिएको फिल्मको विषयवस्तुमा नयाँपन रहेको उल्लेख गरिन् ।

फिल्मकी अर्की नायिका जेबिका कार्कीले भने फिल्मको सस्पेन्स जान्नकै लागि भए पनि ‘कारखाना’ हेर्न आग्रह गरिन् ।
एक युवतीले आफ्नो जीवनमा गर्ने एक गलत कदम र त्यसपछि उनले भोग्नुपर्ने समस्या र अवरोधका साथै त्यसबाट छुट्कारा पाउन चालिएका कदममा फिल्म ‘कारखाना’ निहीत रहेको बताइएको छ ।

अन्य फिल्ममा देखिँदै आएको महिलावादी शैलीभन्दा यस फिल्म फरक रहेको भनिएको छ । नवराज उप्रेतीले खिचेको फिल्ममा नवीन लम्साल, विकास उप्रेती, सुपी थापा, रजक शाही, सौगात धिताल, घनश्याम गिरी, सुजित केसीलगायतको अभिनय रहेको छ । चन्द्र पन्तको एक्सन रहेको फिल्मलाई सुदीप र अमर बज्राचार्यले संयुक्त रूपमा निर्माण गरेका हुन् ।

प्रकाशित : वैशाख २६, २०७४ ०९:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT