एमाले विदेश संगठन कोरियाको अध्यक्षमा परशुराम सापकोटा

कान्तिपुर संवाददाता

सोल — नेकपा एमालेका विदेश संगठन प्रवासी नेपाली मञ्च दक्षिण कोरियाको आइतबार सम्पन्न छैटौं अधिवेशनले परशुराम सापकोटाको नेतृत्वमा नयाँ कार्यसमिति चयन गरेको छ ।

नेपालबाट आएका नेकपा एमाले पोलिट व्यूरो सदस्य वृन्दा पाण्डेको प्रमुख आतिथ्यमा  सम्पन्न अधिवेशनले सर्वसम्मत २६ सदस्यीय कार्यसमिति चयन गरेको हो ।

नव कार्यसमितिमा उपाध्यक्षत्रय लाल बहादुर साउद , टेकबहादुर पुन र विष्णु उपाध्याय रहेका छन् भने समरदीप चौलागाईं महासचिव र हरी शंकर भण्डारी र दीपेन्द्र अधिकारी सचिवमा चयन भएका छन् । नेत्र चौधरी कोषाध्यक्ष र दुर्जहाङ्ग लिम्बू सह कोषाध्यक्ष लगायत १७ जना सदस्यमा रहेका छन् ।

प्रकाशित : आश्विन २३, २०७४ ०९:२५
ADVERTISEMENT
ADVERTISEMENT
प्रतिक्रिया
पठाउनुहोस्

मनाङमा जिप दुर्घटना: एक पर्यटकको मृत्यु

आश गुरुङ

लमजुङ — चक्रीय अन्नपूर्ण पदमार्गको तल्लो मनाङस्थित ताल गाउँ नजिकै पर्यटकबहाक जिप दुर्घटना हुँदा एक इजरायली नागरिकको मृत्यु भएको छ ।

नासोङ गाउँपालिका १, तालगाउँ नजिकै ग१ज६०३४ नम्बरको बोलेरो जिप पल्टिँदा गम्भीर घाइते इजरायली नागरिक बर्ष २६ की भेरेड एभियाशरको मृत्यु भएको प्रहरीले जनाएको छ । लमजुङको बेंसीसहरबाट ताल जाँदै गरेको जिप आइतबार साँझ पौने ७ बजे तालडाँडाबाट तालगाउँ जाँदै गर्दा ओरालो घुम्तीमा पल्टिएर दुर्घटना भएको प्रहरीले जनाएको छ । जिपमा अगाडि र पछाडि प्यासेजमा झोलासहित पर्यटक चढेका थिए । 

धारापानी सीमा प्रहरी चौकीका सई लोकबहादुर थापाका अनुसार दुर्घटनामा परेर ९ इजरायली नागरिक र २ जना नेपाली गरी ११ जना घाइते भएका थिए । गम्भीर घाइते भेरेड र भरिया खोटाङ जन्ते गाउँपालिकाका ३४ बर्षीय उत्तम राईलाई उपचारका लागि पठाइएको थियो । लमजुङका डीएसपी पदमबहादुर विष्टले उपचारका लागि ल्याउने क्रममा इजरायली नागरिकको बाटोमै मृत्यु भएको र पोष्टमार्टमको लागि काठमाडौं लगिएको बताए । उनका अनुसार राती काठमाडौं लगिएको शबलाई सडक जामका कारण काठमाडौं पुर्‍याउन नसकिएकाले धादिङको गल्छीबाट हेलिकप्टरमार्फत उद्धार गरेर काठमाडौं लगिएको र शिक्षण अस्पताल पुर्‍याइएको छ । 

अहिले डाक्टरले मृत घोषणा गरी पोष्टमार्टमको लागि शिक्षण अस्पतालमै राखिएको डीएसपी विष्टले बताए । राईको लमजुङ जिल्ला सामुदायिक अस्पतालमा उपचार भइरहेको छ । मनाङका डीएसपी बीरबहादुर पुलामीले घाइतेको हेलिकप्टरमार्फत उद्धार भइरहेको बताए ।
 
तस्बिर सौजन्य: राजेन्द्र नेपाली, ट्राफिक प्रहरी जवान, मनाङ ।

प्रकाशित : आश्विन २३, २०७४ ०९:२५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT