एनआरएनएमा मलेसियाबाट २ जनाको उम्मेदवारी

मलेसियाबाट ११० जना सहभागी हुने
कान्तिपुर संवाददाता

काठमाडौं — मलेसियामा कार्यरत भवानी शंकर तिवारी र रमेशप्रसाद तिवारीले गैर आवासीय नेपाली संघको एसिया क्षेत्रीय संयोजक र सह–संयोजकमा उम्मेदवारी दिने घोषणा गरेका छन् ।

एनआरएनको अक्टोबरमा १४ देखि १७ सम्म काठमाठौंमा हुने आठौं विश्व सम्मेलनमा उनीहरुले आफ्नो उम्मेदवारी घोषणा गरेका हुन् । सम्मेलनमा सहभागी हुन मलेसियाबाट एकसय १० जना आउने भएका छन् ।

उनीहरुले मलेसिया बैदेशिक रोजगारीको प्रमुख गन्तव्य भएकाले उनीहरुका हक हितका लागि र एसियाली मुलुकमा रहेको स–साना पूँजीलाई एकीकृत गरि आर्थिक सबैको आर्थिक विकास गर्ने संघको अवधारणा पूरा गर्न एसिया क्षेत्रको नेतृत्वका लागि अघि बढीएको घोषणा गरे ।
आफुहरुले सबैसँग सहयोग र समन्वयको आशा राखेको भन्दै लाखौं नेपाली भएकाले पनि मलेसिया एसिया प्रशान्त क्षेत्रको नेतृत्वका लागि तयार रहेको पनि बताए ।

मलेसियाबाट एसिया प्रशान्त क्षेत्रको संयोजक पदमा उम्मेदवारी घोषणा गरिएको यो पहिलोपटक हो । संघको केन्द्रीय समितिमा हालसम्म मलेसियाबाट सदस्य बाहेकका मूख्य पदहरुमा आबद्धता छैन ।
मलेसियास्थित संघले आयोजना एक कार्यक्रममा उम्मेदवारी घोषणा गर्ने तिवारीद्वयलाई संघका सल्लाहकार हरि भट्टराई, आईसिसि सदस्य विश्व विक्रम राई, अध्यक्ष खगेन्द्र न्यौपाने र सदस्यहरु लगायत सहभागीले जितका लागि शुभकामना व्यक्त गरे ।

संघका अनुसार मलेसियामा करिब १२ सय सदस्यहरु छन् । तीमध्ये ११० जना सम्मेलनमा सहभागी हुनेछन् । सन् २००३ अक्टोबर ११ मा स्थापना भएको यस संघका विभिन्न ७३ मुलुकहरुमा समन्वय समितीहरु छन् । हरेक २ बर्षमा हुने विश्व सम्मेलनमा ती देशहरुबाट हजारौं प्रतिनिधिहरु सहभागी हुने गर्दछन् ।

प्रकाशित : आश्विन २५, २०७४ १८:२७
ADVERTISEMENT
प्रतिक्रिया
पठाउनुहोस्

सञ्चार मन्त्रीको निर्णय रोक्न सर्वोच्चको आदेश

कान्तिपुर संवाददाता

काठमाडौं — सर्वोच्च अदालतले प्रेस काउन्सिलमा कार्यवाहक अध्यक्ष नियुक्त गर्ने सञ्चार मन्त्री मोहनबहादुर बस्नेतको निर्णय तत्काल कार्यान्वयन नगर्न अन्तरिम आदेश जारी गरेको छ ।

न्यायाधीश दिपकराज जोशीको इजलासले बुधवार मन्त्री बस्नेतको निर्णय त्रुटिपूर्ण भन्दै कार्यान्वयन रोकेको हो । 

अघिल्लो साता मन्त्रालयले काउन्सिलका सदस्य नवलकिशोर यादवलाई कार्यवाहक अध्यक्ष तोक्ने मन्त्रीस्तरीय निर्णय गरेको थियो । बरिष्ठतमका आधारमा त्यसअघि नै किशोर श्रेष्ठ कार्यवाहक भएका थिए । मन्त्रालयलाई कार्यवाहक तोक्ने अधिकार नभएको भन्दै रिट परेको थियो । 

प्रकाशित : आश्विन २५, २०७४ १८:२७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT