नेपाल आइडललाई राम्रो साथ

कान्तिपुर संवाददाता

अस्ट्रेलिया — एकमहिने सांगीतिक कार्यक्रमका लागि अस्ट्रेलिया आएको नेपाल आइडलको टोलीलाई यहाँका संगीतप्रेमीले राम्रो साथ दिएका छन् । अस्ट्रेलियाका आठ सहरमा गाउने सांगीतिक प्रस्तुति लिएर केही दिनअघि सिड्नी आइपुगेको टोलीमा नेपाल आइडल विजेता बुद्ध लामा, फस्ट रनरअप निशान्त भट्टराई, सेकेन्ड रनरअप प्रताप दास र प्रमिला राई छन् ।

एकमहिने सांगीतिक कार्यक्रमका लागि अस्ट्रेलिया आएको नेपाल आइडलको टोलीलाई यहाँका संगीतप्रेमीले राम्रो साथ दिएका छन् । अस्ट्रेलियाका आठ सहरमा गाउने सांगीतिक प्रस्तुति लिएर केही दिनअघि सिड्नी आइपुगेको टोलीमानेपाल आइडल विजेता बुद्ध लामा, फस्ट रनरअप निशान्त भट्टराई,सेकेन्ड रनरअप प्रताप दास र प्रमिला राई छन् ।

नेपाली टचको निम्तोमा आएका उनीहरूले अहिलेसम्म सिड्नी, क्यानबेरा, ब्रिसबन र मेलबर्नमा कार्यक्रम प्रस्तुत गरिसकेका छन् भने अन्य चार सहरमा पनि प्रस्तुत हुँदै छन् । उनीहरूलाई कार्यक्रम सम्पन्न भएका सबै सहरमा नेपाली दर्शकहरूले भरपूर साथ दिएका थिए ।

आयोजकले उनीहरूको कार्यक्रमलाई पहिलोपटक सिड्नीका प्रतिष्ठितमध्येको ओलम्पिक पार्कमारहेको स्पोट्र्स सेन्टरमा राखेको थियो । अन्य सहरमा समेत उत्कृष्ट कार्यक्रमस्थलमा कार्यक्रम प्रस्तुतगरिएको आयोजक राजकुमार गोस्वामीले दाबी गरे ।

मेलबर्नमा आइतबार आयोजित कार्यक्रममा समेत दर्शकश्रोताको उत्तिकै उपस्थिति थियो । उनीहरूलाई दर्शकश्रोता नाचेर र गाएर दिएका थिए । करिब तीन घण्टा दर्शकश्रोताले भरपूर मनोरञ्जन पाएका थिए ।

नेपाली टचका दीपेश पुनका अनुसार, उनीहरूले एडिलेड, पर्थ,होबार्ट र डार्बिनमा पनि गाउनेछन् ।

प्रकाशित : मंसिर १८, २०७४ ०९:११
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सँझ्यामा फरक स्वादका कविता

काव्य वाचन
कान्तिपुर संवाददाता

भक्तपुर — सँझ्या साहित्यको यसपटकको शृंखलामा फरक पुस्ताका तीन कविले कविता प्रस्तुत गरे ।पचासको दशकपछि कविता लेख्न थालेका प्रोल्लास सिन्धुलीय, साठीको दशकको उत्तरार्द्धपछि कवितामार्फत देखा परेकी रञ्जना निरौला र सत्तरीको दशकदेखि कवितामा सक्रिय सुरज रानाले लोकन्थलीस्थित ॐ ज्ञान मन्दिर विद्यालयमा आफ्ना रचना सुनाए ।

सँझ्या साहित्यको यसपटकको शृंखलामा फरक पुस्ताका तीन कविले कविता प्रस्तुत गरे ।

पचासको दशकपछि कविता लेख्न थालेका प्रोल्लास सिन्धुलीय, साठीको दशकको उत्तरार्द्धपछि कवितामार्फत देखा परेकी रञ्जना निरौला र सत्तरीको दशकदेखि कवितामा सक्रिय सुरज रानाले लोकन्थलीस्थित ॐ ज्ञान मन्दिर विद्यालयमा आफ्ना रचना सुनाए ।

भक्तपुरलाई कला र कविताकोपर्यटन क्षेत्रका रूपमा स्थापित गर्ने उद्देश्यले सुरु भएको सँझ्यामा कवि सिन्धुलीयलेआमालाई सम्झँदै ‘धन्यवाद आमा’ कविता सुनाएर शृंखला सुरु गरे । उनले ‘श्रीमतीको ड्राइभिङ लाइसेन्स’, ‘कमरेड अशोक सुवेदीकी श्रीमती’, ‘हामीजस्ताको मन’, ‘लोग्ने मान्छे’, ‘आफ्नै बासँग’, ‘तिम्रो लोग्नेको नाम के हो यशोधरा ?’ लगायत कविता सुनाए ।

उनले कवितामा महिला सशक्तीकरण, पुरुष मानसिकता, राजनेताका मनो–सामाजिक अवस्थालाई बिम्बमा उतारेका थिए ।

निरौलाले पनि ‘आमा’ कविता सुनाइन् । उनले आमाको महिमा वर्णित कविता आमा प्रस्तुत गर्दै कविताको श्रीगणेश गरिन् । सामाजिक, राजनीतिक वा आर्थिक संकट आएको बेला एक जिम्मेवार नागरिक चुप लागेर बस्न नहुने बताउँदै उनले ‘म कसरी हेर्न सक्छु’ कविता सुनाइन् । त्यसै गरी उनले ‘जीवन’, ‘आग्रह’, ‘छोरी’, ‘माग’, ‘तिमी मान या नमान’, ‘मेरो युवा दाइ’ कवितामार्फत देशका समसामयिक समस्या उठाइन् ।

रानाले ‘अक्षरहरू’, ‘लाहुरेनी भाउजू र कुकुर’, ‘ओ बाहुनी’, ‘मौन पहाड’, ‘प्रेम निभेको कोठाबाट’, ‘तलब’, ‘याद’ र ‘बोध’मार्फतरेमिट्यान्स बजारमा बेचिएका युवाको पीडा र तिनैका आश्रित स्वास्नीहरूको यौन मनोविज्ञानको सूक्ष्म विश्लेषण प्रस्तुत गरे ।
युवा कवि सुमन हुलाकीले ‘चुनाव’ कविता बोनसका रूपमा सुनाए ।

प्रकाशित : मंसिर १८, २०७४ ०९:११
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT