संगीतकार बाँस्कोटा हङकङमा सम्मानित

कान्तिपुर संवाददाता

काठमाडौं — वरिष्ठ संगीतकार एवं नेपाल संगीत नाट्य प्रज्ञा प्रतिष्ठानका उपकुलपति शम्भुजित बाँस्कोटा हालै हङकङमा सम्मानित भएका छन् । हङकङ बस्दै आएका नेपाली महिलाहरूको संगठन ‘चाँगे धर्ती आमा कोष’ ले गरेको सुमधुर सांगीतिक सौगात–२०१७ को क्रममा बाँस्कोटा सम्मानित भएका हुन् ।


विपन्नहरूको उपचार कोष निर्माणको सहयोगार्थ आयोजित सांगीतिक सौगातको प्रमुख अतिथिको रूपमा हङकङ निम्त्याइएको बाँस्कोटाले कार्यक्रममा आधा दर्जन आफ्ना गीतहरूसमेत प्रस्तुत गरे । ‘हङकङमा बस्दै आएका नेपालीहरूआफ्नो सांस्कृतिकपन जोगाउन निकै क्रियाशील रहेको पाएँ,’ हालै नेपाल फर्केका बाँस्कोटालेभने, ‘उनै नेपालीको तर्फबाट सम्मान पाउँदा खुसी छु ।’
सांगीतिक सौगातको आकर्षणको रूपमा भने अभिनेत्री केकी अधिकारीदेखि गायकाद्वय केन्जलमेहर श्रेष्ठ, प्रकृति थलाङ र हास्यकलाकार शेरबहादुर गुरुङको पनि सहभागिता रहेको थियो । केकीले फिल्मको गीतमा नृत्य गरेकी थिइन् भने शेरबहादुरले हास्य प्रस्तुति दिएका थिए ।

Yamaha

प्रकाशित : मंसिर २७, २०७४ ०८:४०
ADVERTISEMENT
प्रतिक्रिया
पठाउनुहोस्
ADVERTISEMENT

भगवती चौधरीलाई ५९९ मतले पछाडि पार्दै गच्छदारको अग्रता

कान्तिपुर संवाददाता

काठमाडौं — एमाले नेतृ भगवती चौधरीको निरन्तरको अग्रता तोड्दै प्रतिनिधिसभा निर्वाचनमा सुनसरी ३ बाट कांग्रेस नेता विजयकुमार गच्छदार अगाडि बढेका छन् । मतगणनाको सुरुदेखि नै अगाडि रहेकी चौधरीलाई ५९९ मतले पछाडि पार्दै गच्छदारले अग्रता लिएका छन् ।

गच्छदारले ३६ हजार ८० मत पाउँदा चौधरीले ३५ हजार ५ सय ६२ मत ल्याइन् ।

 

प्रकाशित : मंसिर २७, २०७४ ०८:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT