कुवेतको नेशनल खराफीका २ सय नेपाली कामदारको खाना बन्द

होम कार्की

काठमाडौं — पारिवारिक विवादले धरासयी बनेको कुवेतको ठूलो कम्पनी खराफी नेशनलमा कामविहीन भएर बसेका झन्डै दुई सय नेपाली कामदारको खाना सोमबार बिहानदेखि पुन: बन्द भएको छ । त्यस कम्पनीमा भारतीय, फिलिपिनोसहित झन्डै चार हजार कामदार समस्यामा परेका छन् ।

खाना खुवाउँदै आएको कम्पनीले नेशनल कम्पनीबाट भुक्तानी नभएको भन्दै खाना दिन छाडेको हो । तीन साताअघि पनि खाना दिन छाडेको थियो । तर, नेपाली दूतावासको पहल गरेपछि कम्पनीले फेरि अलपत्र नेपाली कामदारलाई खाना खुवाउन थालेको थियो । ‘कामदारले खाना नपाएको भन्दै दूतावासलाई जानकारी दिएका छन्,’ कुवेतका लागि नेपाली राजदूत यज्ञबहादुर हमालले कान्तिपुरलाई भने, ‘हामीले कम्पनीका व्यवस्थापनसमक्ष कुरा राखिसकेका छौं । उनीहरुले कामदारलाई प्याकेटमा भए पनि खाना खुवाउने जानकारी दिएका छन् ।’

Yamaha

कम्पनीले तलब र काम दिन नसकेपछि ती कामदारहरु सुलेविया क्याम्पमा अलपत्र अवस्थामा छन् । त्यस कम्पनीमा आठ महिनासम्म तलब नपाउने र आवासीय भिसाको म्याद समाप्त भइसकेका कामदारहरु छन् ।

झन्डै दुई सय कामदारमध्ये ९४ जना उद्धारका लागि दूतावासको सम्पर्कमा छन् । २० जनाको उद्धार भइसकेको छ । दूतावासले टिकट र जरिवाना तिर्ने रकम भएपछि मात्रै बाँकी कामदारको उद्धार हुन सक्ने बताउँदै आएको छ ।

Esewa Pasal

प्रकाशित : पुस ४, २०७४ १७:२९
प्रतिक्रिया
पठाउनुहोस्

चौधरीलाई विजयी प्रमाणपत्र दिलाउन सरकारसँग माग

कान्तिपुर संवाददाता

सोल — प्रतिनिधिसभा सदस्यमा निर्वाचित रेशमलाल चौधरीलाई निर्वाचन आयोगले विजयको प्रमाणपत्र दिन आनाकानी गरिरहेको भन्दै दक्षिण कोरियामा सक्रिय नेपाली संघ संस्थाले विरोध जनाएका छन् ।


कोरियाका आदिवासी जनाजति महासंघ र थारु कल्याणकारी सभाले छुट्टा छुट्टै विज्ञप्ति निकालेर गत मंसिर २१ गते भएको निर्वाचनबाट कैलाली क्षेत्र नं. १ बाटनिर्वाचित चौधरीलाई प्रमाणपत्र नदिएको भन्दै आपत्ति जनाएका हुन् । ती संस्थाहरुले विज्ञप्तिमार्फत चौधरीलाई तत्काल प्रमाण पत्र दिलाउन नेपाल सरकारलाई माग गरेका छन् ।
भूमिगत रहेरै निर्वाचनमा उम्मेदवारी दिएका चौधरी ३४ हजार ३४१ मत ल्याइ प्रतिनिधिसभामा निर्वाचित भएका हुन् ।
'टिकापुर हत्याकाण्डका मुख्य आरोपी चौधरी दोषी हुन् वा होइनन् यो निर्वाचन आयोगको काम होइन, यो अदालतको काम हो र अदालतले प्रमाणित नगरेसम्म कसैलाई अपराधी भन्ने अधिकार छैन' विज्ञप्ति छ ।

प्रकाशित : पुस ४, २०७४ १७:०६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT