सामुदायिक भवनका लागि २ करोड ४० लाख संकलन

नारायण खडका

अस्ट्रेलिया — मेलबर्नमा नेपालीहरुले बनाउन लागेको सामुदायिक भवनका लागि ३ लाख अष्ट्रेलियन डलर संकलन भएको छ । 

अस्ट्रेलियन नेप्लिज् मल्टिकल्चरल सेन्टरले सञ्चालन गरेको सप्ताह महापुराणको तीन दिनको अवधिमा ३ लाख अस्ट्रेलियन डलर (करिब २ करोड ३४ लाख रुपैयाँ) स‌ंकलन भएको हो। मेलबर्नमा नेपालीहरुले सामुदायिक भवन, पशुपतिनाथ मन्दिर र बौद्ध गुम्बा निर्माणका लागि यही १८ तारिखदेखि महापुराण सुरु गरेका हुन्।
पण्डित दीनबन्धु पोखरेलद्वारा वाचन गरिएको सप्ताह महापुराणमा विभिन्न व्यक्तिहरुले ४० लाख नेपाली रुपैयाँसम्म सहयोगको घोषणा गरेका आयोजकले जनाएको छ। भिक्टोरियाका लागि नेपाली अवैतनिक महावाणिज्यदूत चन्द्र योञ्जनले ५० हजार डलर (करिब ४० लाख रुपैयाँ) सहयोग गरेका छन् भने डा. चन्द्रदीपक पोखरेलले २६ हजार ५ सय डलर, सुरेन्द्र सेढाईं र सबी सेढाईं, बद्री पन्त र जमुना पराजुलीले जनही १० हजार डलर सहयोग दिएका छन्।

Yamaha

नेपालीहरुको स‌ंख्या बढिरहेकोले कलासंस्कृति र परम्परा झल्कने सामुदायिक भवन, मन्दिर तथा गुम्बा बनाउने योजना अघि सारिएको सप्ताह आयोजक समितिको भनाइ छ। भिक्टोरिया एनआरएनका संयोजक केशव कँडेलका अनुसार सप्ताह पुराणमा दैनिक भक्तजनहरुको बाक्लो उपस्थिति रहँदै आएको छ।
पुराण यही २४ तारिखसम्म चल्ने छ।
भवन निर्माणमा सहयोग जुटाउने उद्देश्यले आजीवन सदस्यता वितरण प्रक्रियालाई पनि संस्थाले अघि बढाएको जनाएको छ। आयोजकका अनुसार अहिलेसम्म ३ सय ८५ जनाले सदस्यता लिइसकेका छन्। आजीवन सदस्यता शुल्क १ हजार ५ सय डलर तोकिएको छ।

प्रकाशित : पुस ६, २०७४ १५:१०
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

कथाकार प्रेमा शाह रहिनन्

कान्तिपुर संवाददाता

काठमाडौँ — नेपाली साहित्यमा यौन मनोविज्ञान र विशेषत फ्राइडियन शिल्पी भित्र्याउने प्रखर कथाकार प्रेमा शाहको ७३ वर्षको उमेरमा अमेरिकाको साल्टलेकस्थित इन्टर माउन्टेन हस्पिटलमा बुधबार अपरान्ह शाहको निधन भएको छ ।

शाहका पहेँलो गुलाफ र विषयान्तर(कथा संग्रह), मम्मी (उपन्यास), आकाश विभाजित छ(संयुक्त लेखन) लगायतका कृति प्रकाशित छन् । ‘मैले नेपाली साहित्यमा पारिजातपछि सबैभन्दा अब्बल कथा लेखकका रुपमा प्रेमालाई लिएको छु,’वीरगन्ज मुल घर भएकी प्रेमाका समकालिन लेखक डा.ध्रुबचन्द्र गौतमले कान्तिपुरसँग भने,‘उनी मभन्दा दुई वर्ष कान्छी भएपनि वीरगन्ज र आसपासमा म भन्दा पहिला प्रेमाको साहित्यिक नाम छाएको थियो ।’ गौतमले प्रेमाका स्मरणीय रचना भनेर ‘लोग्ने’ र ‘पहेंलो गुलाफ’ कथा तथा ‘सूर्यसँग संभोग’ कविताको स्मरण गरे ।

प्रेमा नेपाली चलचित्र जगतकी नायिका जल शाहकी आमा हुन् । उनी झण्डै एक दशकयता छोरीका साथमा अमेरिका बस्दै आएकी थिइन् ।

संगीतज्ञ शर्मा रहेनन्
यसैबीच, शाश्त्रीय संगीत विधाका प्रखर हस्ती चन्द्रराज शर्माको ७५ बर्षको उमेरमा काठमाडौंमा निधन भएको छ ।

‘मुनामदन’, ‘कुन्जिनी’, ‘सत्य हरिश्चन्द्र’, ‘मुटुको व्यथा’, ‘गौरी’ जस्ता अमर कृतिमा संगीत भर्ने शर्मा केही वर्ष नेपाल प्रज्ञा प्रतिष्ठानमा संगीत शिक्षक पनि थिए । शर्माले तत्कालीन दरबारनिकट रहेर लामो समयसम्म संगीत प्रशिक्षक जिम्मेवारी निभाएका थिए । नृत्य नाटक, गीति नाटक दुवै विधामा एकैसाथ संगीत भर्न सफल मानिएका शर्माका ३ सय ७० भन्दा बढी संगीत सृजना छन् । चलचित्र ‘कुमारी’मा चन्द्रराजको संगीत रहेको छ ।

शाश्त्रीय संगीतका गुरु यज्ञराज शर्माका छोरा चन्द्रराजपछि उनका छोरा सुदीपराज पनि संगीत विधामै छन् । राजा महेन्द्रले चन्द्रराजको शाश्त्रीय संगीत कौशल तथा ज्ञानका आधारमा नेपाल कला भुषण प्रदान गरेका थिए । चन्द्रराजको बिहीबार बिहान शिक्षण अस्पतालमा निधन भएको थियो ।

प्रकाशित : पुस ६, २०७४ १४:२७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT