सिड्नीमा एकसातामा ३ नेपालीको मृत्य

नारायण खड्का

अष्ट्रेलिया — अष्ट्रेलियाको सिड्नीमा एकसाताको अवधिमा ३ नेपालीको मृत्यु भएको छ । मृत्यु हुनेमा एक विद्यार्थी, एक नेपाली नर्स र एक वृद्ध महिला छन् । 

करिब एक साताअघि सिड्नीको न्युकासल क्षेत्रमा बस्ने नेपाली नर्स तृप्ति पाण्डेको मृत्यु भएको थियो भने गत शुक्रबार आफ्नो परिवारलाई भेट्न सिड्नी आएकी महिला ६१ वर्षिया देवीकुमारी अधिकारीको आउनेक्रममा विमानस्थलमै मृत्यु भएको थियो । यसैगरी सिड्नीको लिड्कममा बस्दै आएकी नेपाली विद्यार्थी अस्मिता रिजाल आफु बस्ने स्थानमा मृत भेटिएकी थिइन् ।

पाण्डे र रिजालले आत्महत्या गरेको आशंका गरिएपनि कोरोनरको रिर्पाेट आएपछि मात्र वास्तविकता पत्ता लाग्ने बताइएको छ । क्यानबेरामा रहेको नेपाली दुतावासले पनि उनीहरुको मृत्यु भएको पुष्टि गर्दै परिवारलाई जतिसक्दो सहयोग पुर्‍याइरहेको जनाएको छ । राजदुत लक्की शेर्पाले घटना दुखद भएको बताउँदै आवश्यक्ता अनुसार आफ्नो तर्फबाट पुरयाउने सबै सहयोग पुर्‍याइरहेको दाबी गरेकी छिन् ।

एनआरएन न्यु साउथ वेल्सका संयोजक तथा उपादक्ष्य नन्द गुरुङका अनुसार पाण्डेको दुई बच्चा रहेको र उनी न्युकासलको सिंगलटनमा बसोबास गर्दै आएकी थिईन भने रिजाल सिड्नीकै लिडकममा बसेर स्थानीय कलेजमा अध्ययनरत थिईन् । गुरुङले विमानस्थलमा मृत्यु भएकी अधिकारीको शव नेपाल पठाईसकिएको र रिजालको शवलाई पनि परिवारको आग्रहमा नेपाल पठाउने तयारी गरिएको जानकारी दिए । घटना दुखद भएको बताउँदै उनले एनआरएनले आफ्नो तर्फबाट पुरयाउनुपर्ने सहयोग तदारुकतासाथ पुर्‍याइरहेको जानकारी दिए ।


प्रकाशित : पुस २१, २०७४ १३:१९
ADVERTISEMENT
प्रतिक्रिया
पठाउनुहोस्
ADVERTISEMENT

‘सैतानी ब्याज’ को पासोमा जकडिएकाहरुको पीडा (भिडियो)

जनकराज सापकोटा

काठमाडौँ — सैतानी ब्याजको पासोमा परी सर्लाहीको जब्दी, पिपरिया लगायतका ३० महिला सहित ३६ जना न्यायको खोजीमा भौतारिएको दुई बर्ष पुग्नै लाग्यो । यो अवधीमा उनीहरु कहाँ मात्रै पुगेनन् । तर कतैबाट केही हात परेन् ।

प्रहरीको ढोका ढक्ढकाएनन् कि, जिल्ला प्रशासन कार्यालयका उच्च अधिकारीसँग विन्ती बिसाएनन् कि, जिल्लाका राजनीतिक दलका नेता कहाँ अनुरोध गरेनन्। तर कतैबाट केही हात परेन्।

सर्लाहीकै श्याम प्रदेशी भनिने श्याम कृष्ण शाहले थापेको सैतानी ब्याजको पासोमा परेर मर्नु न बाँच्नु बनेकाहरुको संख्या करिव तीन सयको हाराहारीमा रहेको अनुमान छ। सय कडा पाँच रुपैया व्याजदरमा ५० हजार देखि दुई लाखसम्म ऋण दिने श्याम प्रदेशीले ऋणीको परिबन्दको फाईदा उठाउँछन् र तीन/चार वटा फर्जी कागज बनाएर ऋणीलाई कज्याउँछन्। रकम लिएको भन्दा धेरै पैसा भएको यस्तो फर्जी कागजका आधारमा प्रदेशीले ऋणी बिरुद्ध सर्लाही जिल्ला अदालतमा लेनदेन मुद्दा दायर गरेका छन्।
सर्लाही जिल्ला अदालतका कर्मचारी दिनेश मिश्रका अनुसार प्रदेशी र उनका परिवारका नाममा जारी लेनदेनको ५० मुद्दामा उनको पक्षमा फैसला गरी अदालतले ३५ दिने पुनरावेदनको म्याद जारी गरिसकेको छ। अदालतले जारी गरेको यस्तो म्याद तामेल भएको सात दिनभित्र अदालतमा उपस्थित नभएका कानून बमोजिम सजाय हुने कानूनी व्यवस्था छ। प्रदेशीले दायर गरेको लेनदेनको ३५ वटा मुद्दा भने अदालतमा फैसलाको क्रममा छ। प्रदेशीले दायर गरेको मुद्दाकै आधारमा दुई ऋणी भने जेल सजाय भोगिरहेका छन्। चलाख प्रदेशीले ऋण आफुले दिएपनि ऋणीहरुसँग आफ्नो छोरी ईला शाह, ज्वाई रामबाबु शाहदेखि छोरा सुजय शाह देखि श्रीमती रन्जु शाहसम्मको नाममा कागज बनाउँदै उनीहरुले ऋण दिएको कागज बनाएका छन्।

सर्लाहीका कांग्रेस नेता एवं मन्त्री शम्भु श्रेष्ठले कानुन हातमा लिएर गरीब र निमुखामाथि शोषणको श्रृखलाबद्ध धन्दा चलाईएको बताउँछन्। हरिऔन नगरपालिकाका मेयर गणेश प्रसाई पनि प्रदेशीको ब्याजी मिटर धन्दाबारे राम्रोसँग जानकार छन्। उनले भने, ‘साँवा र ब्याज तिर्नेलाई भर्पाई नदिने र एउटै ऋणबाट बर्षौसम्म शोषण गरिरहने काम भईरहेछ।’

एक लाख ४० हजार ऋण लिएका एक ऋणीले तीन बर्ष पछि ४ लाख ८० हजार बुझाउन खोज्दा पनि प्रदेशीले नमानेको कथा सुनाउँदै उनले भने, ‘यसैबाट थाह हुन्छ, उनी सुदखोर हुन्।’ सर्लाहीका एमाले अध्यक्ष रेवती पन्त ब्याजी मिटरमा निर्लज्ज रुपमा ठगी भईरहेको बताउँछन्।

प्रकाशित : पुस २१, २०७४ १३:०७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT