जेल सजाय भोगेर नेपाल फर्कन लागेका युवाको मृत्यु 

दूतावासका द्वितीय सचीव महेश्वर त्रिपाठीका अनुसार तामाङले जेल सजाय पूरा गरिसकेको हुँदा उनी यही मार्च २२ मा स्वदेश फर्केने मिति तय भएको थियो । उनको मृत्युबारे फिर्ती केन्द्रले बुधबार दूतावासलाई जानकारी गराएको हो ।

माझीफेदा गाविस, काभ्रे निवासी तामाङको सेप्टी सक र भाइरस इन्फेक्सनका कारण मृत्यु भएको पोस्टमार्टम रिपोर्टमा उल्लेख छ । ‘स्वदेश फर्काउन हवाई टिकट लिने तयारी भइरहेको थियो । तर, अचानक उनको मृत्यु भएको खबर आयो’ उनलाई स्वदेश फर्काउन दूतावाससँग समन्वय गर्दै आएका नेपाल आदिवासी जनजाति महासंघ मलेसियाका अध्यक्ष पि.टी शेर्पाले भने ।

तामाङको शव नेपालमा जिम्मा लिने परिवार वा आफन्तजनबाट आधिरिक मञ्जुरीपत्र आवश्यक पर्छ । उक्त पत्र प्राप्त भएपछि शव पठाइने दूतावासले जनाएको छ ।