तमुधिं यूकेले धादिङको विद्यालय पुनर्निर्माण गरिदिने

कान्तिपुर संवाददाता

लन्डन — तमुधिं यूकेले धादिङस्थित एक विद्यालयको पुनर्निर्माणका लागि रकम जुटाउन आइतबार च्यारिटी डिनर नाइट गरेको छ । 

धादिङको अति दुर्गम गाउँ खादिङमा अवस्थित श्री हिमालय सरस्वतीप्राथमिक विद्यालय पुनर्निर्माणका लागि आर्थिक सहयोग जुटाउन अल्डरसटमा च्यारिटी डिनर गरिएको हो।

Yamaha

तमुधिं यूकेले पहार ट्रष्ट नेपालको सहकार्यमा उक्त विद्यालय करिब ५० लाख रुपैयाँ लागतमा पुननिर्माण गर्दैछ।

विद्यालय भवन सन् २०१५ को महाभूकम्पका कारण क्षतिग्रस्त बनेपछि विद्यार्थी पाल टाँगेर पढ्न बाध्य छन्।

Esewa Pasal

प्रकाशित : चैत्र १२, २०७४ १७:१०
प्रतिक्रिया
पठाउनुहोस्
ADVERTISEMENT

संसद्‌मा पनि इयूको प्रतिवेदनबारे विरोध

रासस

काठमाडौँ — प्रतिनिधिसभाको साेमबारको बैठकमा सांसदहरुले युरोपेली संघ (इयू)को निर्वाचन पर्यवेक्षण प्रतिनिधिमण्डलद्वारा प्रस्तुत निर्वाचन प्रतिवेदनले सार्वभौम मुलुकमाथि हस्तक्षेप गरेको भन्दै आपत्ति जनाएका छन् ।

बैठकमा विशेष समय लिएर बोल्दै नेकपा एमालेका भीम रावलले नेपाली जनताको चाहनामा निर्माण भएको संविधानका प्रावधानमाथि प्रहार हुने गरी इयुले प्रतिवेदन जारी गरेको भन्दै आपत्ति जनाए। उनले भने, 'कुनै पनि देशमा यस्तो खालको हस्तक्षेप सह्य हुँदैन। नेपाल लोकतन्त्रमा विश्वास गर्ने राष्ट्र हो।'

नेपाल अन्तर्राष्ट्रिय सम्बन्ध, संयुक्त राष्ट्रसंघको वडापत्रमा उल्लेख भएअनुसार अन्तर्राष्ट्रियस्तरमा राम्रो सम्बन्ध राख्न चाहन्छ भन्दै उनले नेपालको संविधान समानुपातिक समावेशीताको दृष्टिकोणबाट कुनै पनि देशको भन्दा कम नरहेको दाबी गरे।

संविधानसभाबाट लेखिएको संविधानलाई समानुपातिक समावेशीताको अभ्यासद्वारा समृद्ध मुलुक बनाउने अभियानमा नेपाल रहेको बताउँदै सांसद रावलले भने, 'अप्ठ्यारोमा परेका बेलामा मित्र राष्ट्रहरुले हाम्रो देशमा सहयोग गर्न सक्नुहुन्छ तर, संविधान, सार्वभौमसत्तालाई आघात पुर्‍याउने काम गर्नु गलत हो।'

बैठकमा नेपाली कांग्रेसका सा‌ंसद ज्ञानेन्द्रबहादुर कार्कीले सुनसरी क्षेत्र नं ४ मा गत शनिबार आगलागीबाट भएको क्षतिको बारेमा जानकारी गराउँदै तत्काल राहतका लागि सरकारको ध्यानाकर्षण गराए। उनले विपद्मा जनताको जीवन र सम्पत्ति रक्षाका लागि विशेष व्यवस्था गर्न संसद्मार्फत सरकारसँग माग समेत गरे।

माओवादी केन्द्रका सांसद देवेन्द्र पौडेलले नेपाल सार्वभौम राष्ट्र भएको र आन्तरिक मामिलामा कसैले गरेको हस्तक्षेप सह्य नहुने बताए । उनले इयुको निर्वाचन पर्यवेक्षण प्रतिवेदन अपमानजनक भएको बताए।

राष्ट्रिय जनता पार्टी नेपालका लक्ष्मणलाल कर्णले मधेसी, थारु र मुस्लिमलगायत अल्पसंख्यक जनता अझै विभेदमा रहेको बताउँदै समानुपातिक समावेशी व्यवस्थामा रहेका कमजोरी सच्याई कार्यान्वयनमा ल्याउनुपर्ने धारणा व्यक्त गरे।

संघीय समाजवादी फोरम नेपालका राजेन्द्रप्रसाद श्रेष्ठले नेपालले बाह्य हस्तक्षेप नस्वीकार्ने बताउँदै नेपालको संविधान संघीयता, गणतन्त्र, र समानुपातिकको मामिला हिजोको भन्दा एक कदम अघिरहेको दाबी गरे।

नेपाली कांग्रेसका प्रदीप गिरीले संविधान जारीपछि नेपाल नयाँ युगमा प्रवेश गरेको बताए। संविधान कार्यान्वयनमा आउने सबै खालका चुनौतीको सामना गर्नुपर्ने उनकाे भनाइ थियो।

माओवादी केन्द्रका शशी श्रेष्ठले मुलुकभर महिला हिंसाका घटना बढिरहेको भन्दै यस्ता खालका घटना नियन्त्रण गर्न देवानी र फौजदारी कानुनको प्रभावकारी कार्यान्वयन हुनुपर्ने विचार व्यक्त गरे।

सोही पार्टीका सुदन किरातीले सीमा क्षेत्रमा नेपालीले आवतजावत गर्दा भोग्नुपरिरहेका कष्टप्रति सरकारको ध्यानाकर्षण गराए।

एमालेका विरोध खतिवडाले पाकिस्तानी प्रधानमन्त्रीको नेपाल भ्रमणका विषयमा संसद्मा छलफल हुनुपर्ने बताए। बैठकमा नियमापत्ति गर्दै उनले यो भनाइ राखेका हुन्।

प्रकाशित : चैत्र १२, २०७४ १६:२९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT