कतारमा अनेसासको ८० औं डबली
काठमाडौँ — नयाँ वर्ष २०७५ सालको शुभकामना आदानप्रदान गर्दै अनेसास नवोदितको ८० औं डबली सम्पन्न भएको छ । डवलीमा तीन दर्जन साहित्यकारहरुले आ-आफ्नो रचना प्रस्तुत गरेका थिए ।
प्रवासमा नेपाली भाषाको उत्थानमा योगदान दिँदै आएको अन्तर्राष्ट्रिय नेपाली साहित्य समाज र नवोदित साहित्य समाजले संयुक्त रुपमा हरेक महिनाको दोस्रो शुक्रबार डबली गर्दै आएको छ ।
डवलीमा चन्द्र धड्कन, निश्चल आँशु, मदन चौहान, सुमन सहयात्री, निलम निश्चल, ओम दाहाल, नारायण निर्जल भण्डारी, चक्र कार्की, लिलानाथ घिमिरे, बिन्दा लामा, दीप प्रदीप, बुद्धराज, सन्तोष अधिकारी, ईश्वर राई, विजय फेम्बो, स्वतन्त्र नेपाल, दीप मिलन, विनोद खड्का, अनिल परिवर्तन, मणि पौडेल, दिलीप पराजुली, तीर्थ संगम राई, प्रेमप्रसाद भट्टराई र लेख कार्कीले गजल, कविता र गीत सुनाएका थिए ।
डवलीका विशिष्ट श्रोता म्याग्दी प्रवासी सेवा समाजका अध्यक्ष रमेश पौडेलले प्रवासको साहित्यमा देश प्रेम, प्रदेशको पीडा र मुग्लानको आत्मियता झल्किएको बताए ।
