पर्यटन प्रवर्द्धनका लागि जापानका गाँउ र नगरमा नेपालको प्रचार

प्रकाश पन्थी

फुकुओका (जापान) — नेपाली कला संस्कृति र सम्पदाबारे जानकारी दिएर नेपालमा पर्यटन प्रवर्द्धन गर्न जापानमा सक्रिय नेपाली समुदायले गर्दै आएको प्रचारप्रसार कार्यलाई राजधानी  टोकियोसहित फुकुओकामा पनि गरेको छ ।

नेपाली कला संस्कृति र विश्वसम्पदास्थलको प्रचार कार्यलाई प्रभावकारी बनाउन राजधानी टोकियोबाट १२ हजार किलोमिटर पश्चिम गाउँ र नगरसम्म पुर्‍याइएको हो । केन्द्रमा सिमित प्रचारप्रसारको कार्य अन्तर्गत पहिलो पटक फुकुओकामा दुई दिवसिय नेपाल फेस्टिभल आयोजना गरिएको हो ।

जापानी नागरिकलाई नेपालप्रति आकर्षित गरी पर्यटन प्रर्वद्धन गर्ने उदेश्यले राजधानी केन्द्रित प्रचारप्रसारलाई थप प्रभावकारी बनाउन भन्दै फुकुओकामा आइतबार सम्पन्न फेस्टिवलमा १५ हजारभन्दा बढी जापानी तथा नेपालीले अवलोकन गरेका थिए ।

त्यहाँ नेपाली खाना, पोसाक, रेमिट्यान्ससहित सर्वोच्च शिखर सगरमाथा, गौतमबुद्धको जन्मस्थल लुम्बिनीसहित चितवनको सौराहा लगायतका पर्यटकीय क्षेत्रको प्रचार सामाग्रीसहितका स्टल राखिएका थिए ।

भिन्न उद्धेश्यले विश्वभर छरिएका नेपालीले आफ्नो कला सस्ंकार सँगै विश्वसम्पदा सूचिमा सूचिकृत स्थानको उचित प्रचार गरी पर्यटन प्रवर्द्धनका सघाएको भन्दै जापानस्थित नेपाली राजदूत प्रतिभा राणाले फुकुओकावासी नेपालीले गरेको कार्यको प्रसंसा गरिन् । राणाले नेपालमा लगानी भित्र्याउन यस्ता कार्यले मद्दत पुग्ने भन्दै एकजुट भएर गर्न सकिने कामलाई सबै ठाउँबाट प्रोत्साहन भएमा प्रचारप्रसार कार्यले प्राथमिकता पाउने बताइन् ।

नेपाल प्रचार प्रसारको फाइदा जापानमा भएका नेपालीलाई मात्र नभएर स्वदेशका नेपालीलाई हुने भएकाले हरेक वर्ष नेपाल फेस्टिवल आयोजना गरिने निर्णय भएको फेस्टिबल आयोजक समिति एवं फुकुओका नेपाल सोसाइटीका पूर्वअध्यक्ष रामकृष्ण श्रेष्ठले बताए । फुकुओकामा यसअघि नयाँवर्षको अवसर पारेर बैशाखी मेला हुने गरेको थियो ।

टोकियो महानगर क्षेत्रमा पर्यटन आकर्षित भन्दै गरिएका १० औं पटक सम्मका प्रयास प्रभावकारी नभएकाले अबदेखी हरेक वर्ष जापानका अन्य ठाउँमा पनि गर्ने आयोजकले बताएका छन् ।

प्रकाशित : वैशाख ४, २०७५ १०:०९
ADVERTISEMENT
प्रतिक्रिया
पठाउनुहोस्
ADVERTISEMENT

मनकामनाको छानामा सुनको जलप

मन्दिर जीर्णोद्धार ९० प्रतिशत सम्पन्न
कान्तिपुर संवाददाता

गोरखा — जीर्णोद्घारकै क्रममा रहेको मनकामना मन्दिरको छानामा सुनको जलप लगाइएको छ । मन्दिरको माथिल्लो छानामा सुनको जलप लगाउने काम पूरा भएको जीर्णोद्घार समिति संयोजक नरेन्द्रबाबु श्रेष्ठले बताए ।

जीर्णोद्घारको क्रममा रहेको गोरखाको मनकामना मन्दिर । तस्बिर : हरिराम उप्रेती

मन्दिरका दुई छानामा जलप लगाउन समितिले १५ केजी सुन किनेको थियो । छानामा तामाको पाता बिच्छयाएर त्यसमाथि सुनको जलप लगाइएको हो । ‘दुई छानामध्ये माथिल्लो छानामा जलप लगाइसक्यौं,’ उनले भने, ‘अब तल्लो छानाको काम सुरु गर्छौं ।’ छाना लामो समय टिकाउ हुने गरी जलप लगाइएको उनले बताए । ‘साइत जुराएर क्षमा पूजा गरी मन्दिरमा गजुर राख्ने तयारी भइरहेको छ,’ उनले भने, ‘जीर्णोद्धारको करिब ९० प्रतिशत काम सकिएको छ ।’

दक्षिण–पश्चिममा करिब ६ इन्च ढल्किएको पुरानो मन्दिरलाई ०७२ वैशाखको भूकम्पले थप ढल्काएपछि जीर्णाेद्धार गरिएको हो । हाल मन्दिरको स्वरूप तयार भइसकेको छ । आगामी असोजबाट भक्तजनका लागि मन्दिरभित्रै पूजा गर्ने व्यवस्था गर्ने लक्ष्यसाथ समितिले काम अघि बढाएको छ । ‘२०७५ वैशाखभित्रै काम सक्ने लक्ष्य थियो,’ संयोजक श्रेष्ठले भने ‘नाकाबन्दी, काठ अभाव र सुनमा जलप लगाउँदा धेरै समय खर्च भएर लक्ष्यभन्दा केही ढिला भएको हो ।’

मन्दिर पुनर्निर्माण सम्पन्न हुँदा करिब १३ करोड रुपैयाँ लागत पुग्ने अनुमान छ । ०६८ मा लागत स्टिमेट गर्दा करिब ८ करोड रुपैयाँ लाग्ने अनुमान थियो । जीर्णोद्धारमा उपयोग हुने सामग्री र कामदारको ज्याला दर महँगिँदा लागत बढेको समितिको भनाइ छ । ‘१० करोड खर्च भइसक्यो,’ उनले भने, ‘पैसा अभावमा काम रोकिएको छैन ।’ जीर्णोद्घारका लागि भक्तजनबाटै करिब ८ करोड रुपैयाँ संकलन भएको छ । ‘नेपाल सरकारले पुरातत्त्व विभागमार्फत ४ करोड आएको थियो,’ श्रेष्ठले भने, ‘त्यसमा ४३ लाखको काठ किन्यौं, बाँकी पैसाको सुन किनेर राखेका थियौं ।’ चुना, सुर्की र बालुवाको प्रयोगबाट मन्दिर पुनर्निर्माण गरिएको उनले बताए । केही काठ पुरानै प्रयोग गरिएको छ भने केही हेटौंडा र वीरगन्जबाट ल्याएको छ ।

पुरातत्त्व विभागका प्राविधिकको सल्लाहअनुसार मन्दिर जीर्णोद्घार भइरहेको हो । मन्दिर जीर्णाेद्धार भए पनि भगवतीको प्रतिमा स्थापना गरेर दर्शनका लागि आएका भक्तजनलाई पूजा गर्ने विशेष व्यवस्था मिलाइएको छ । मनकामना मन्दिरमा दैनिक ५ हजार हाराहारी तीर्थालु पुग्ने गरेका छन् ।

प्रकाशित : वैशाख ४, २०७५ ०९:५५
पूरा पढ्नुहोस्
प्रतिक्रिया
पठाउनुहोस्