'माइत जाने बाटो'लाई पारिजात पुरस्कार

किसन राई

हङकङ — नेपाली भाषा तथा साहित्य परिषद् हङकङले पारिजात स्मृति दिवसको अवसर पारेर प्रदान गर्ने पारिजात पुरस्कार यो वर्ष सुनिता गिरीको कविता संग्रह ‘माइत जाने बाटो’लाई प्रदान गरिएको छ । 

लेखक तथा साहित्यकार खगेन्द्र संग्रौलाले ताम्रपत्रसहित दुई हजार दुई सय २२ हङकङ डलरको उक्त पुरस्कार यहाँ आयोजित एक कार्यक्रमा गिरीलाई प्रदान गरे ।

पुरस्कार वितरण समारोहमा निर्णायक सिर्जनशील साहित्य समाजका अध्यक्ष तथा कवि हाङयुग अज्ञातले प्राप्त भएका तीन कृतिमध्ये ‘माइत जाने बाटो’लाई उत्कृष्ठ ठहर गरिएको नतिजा सार्वजनिक गरेका थिए । उनका अनुसार पुरस्कारका लागि पूर्णिमा साहको कविता संग्रह ‘सपनाको क्षितिज’ र नरजीत राईको कविता संग्रह ‘मनोबिम्व’ पेश गरिएका थिए ।

फाउण्डेसनका सचिव अमोद राईले हङकङमा नेपाली भाषा तथा साहित्यको संरक्षण र सम्बर्धनका लागि विगत तीन वर्षदेखि नियमित पुरस्कार प्रदान गरिएको जानकारी गराएका थिए ।
उनका अनुसार एक वर्षमा हङकङबाट प्रकाशित मध्ये एक उत्कृष्ठ नेपाली साहित्यिक कृतिलाई उक्त पुरस्कार प्रदान गरिने गरिएको छ ।

प्रकाशित : वैशाख ४, २०७५ १९:२४
ADVERTISEMENT
प्रतिक्रिया
पठाउनुहोस्
ADVERTISEMENT

दोलखामा सडकको सकस

सुदीप कैनी

काठमाडौँ — दोलखा सदरमुकाम चरिकोट जोड्ने कच्ची सडक स्तरोन्नितका लागि भत्काएपछि कच्ची जस्तै बनेको छ । यात्रुहरु खाल्डाखुल्डी परेको सडकमा जोखिमपूर्ण यात्रा गर्न बाध्य छन् । सदरमुकामबाट ग्रामीण बस्तीमा जोड्ने कच्ची सडकहरुको अवस्था भने झनै दर्दनाक छ ।

कच्ची सडकमा सर्वसाधरण सकसपूर्ण यात्रा गर्न बाध्य छन्। बर्षात अघिकै सडक गाडी गुड्न सक्ने अवस्थामा छैनन्। चालकहरुले जबर्जस्ती कच्ची सडकमा सवारी साधनहरु गुडाउने गरेका छन्। धुलो, हिलो र खाल्डाखुल्डीमा घण्टौंसम्म गाडी फसेर यात्रु गन्तव्यमा पुग्दैनन्। खाद्यान्न र निर्माण सामग्री बोकेका मालबाहक सवारी साधन पनि बाटोमै अड्केर बस्छन्।

यात्रु, चालक र सहचालकले सडक मर्मत गर्दै सवारी साधन अघि बढाउँछन्। तामाकोशी गाउँपालिका– २ बाट वडा नम्बर १ जोड्ने ढोली खोलाको पानी सधैँ सडक भत्काउँछ। वर्षातको बाढीमा त झन सडक नै खोला बन्छ। तामाकोशी बजार हुँदै जिरी र चरिकोट राजधानी काठमाडौं र रामेछाप जोड्ने सडक सडकको अवस्था यस्तो जीर्ण छ। हिउँदमै गाडी चल्न मुस्किल पर्ने सडकमा बर्खातमा गाडी गुड्न नसक्ने तामाकोशीका कृष्णप्रसाद पौडेले बताए। यात्रुहरुले दैनिक हैरानी खेप्नु परेको उनको गुनासो छ। गाडीहरु बाटोमा फसेपछि यात्रुहरु घण्टौंसम्म सडकमै अलपत्र पर्छन्।

प्रकाशित : वैशाख ४, २०७५ १९:०७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT