लन्डनमा नेपालको सौन्दर्य चर्चा

कान्तिपुर संवाददाता

लन्डन — ब्रिटिस ट्राभल एण्ड हस्पिटालिटी अवार्डस्‌मा नेपालको प्राकृतिक सौन्दर्य चर्चाले महत्व पाएको छ । 

सेन्ट्रल लन्डनको प्रसिद्ध डरचेस्टर होटलमा सोमबार साँझ ब्रिटिस ट्राभल ट्रेड व्यवसायी सहभागी अवार्डस् कार्यक्रममा नेपाल पर्यटन बोर्डका प्रमुख कार्यकारी अधिकृत दीपकराज जोशीले नेपालको सौन्दर्य वर्णन गर्दै भ्रमण गर्न अपिल गरे । उनले ब्रिटिस पर्यटकहरुलाई स्वागत गर्न नेपाल तत्पर रहेको सन्देश पनि दिए । जोशीले भूकम्प प्रभावबाट नेपाल पहिलेकै स्थितिमा फर्किएको र पर्यटकहरुका लागि सुरक्षित रहेको विश्वास दिलाए ।

Yamaha

जोशीले गतवर्ष नेपाल जाने पर्यटकहरुको संख्यामा २६ प्रतिशतले वृद्धि भएको जानकारी गराए । गोर्खा सैनिकहरुको मुलुक नेपाल यात्रा गर्न संसारमै सबैभन्दा सुरक्षित रहेको उनले बताए । नेपाल एक आनन्दित र आध्यात्मिक मुलुक भएको जोशीले उल्लेख गरे ।

उनले नेपालमा ८८४८ मिटर अग्लो सगरमाथादेखि समुद्र सतहबाट केवल ६० मिटर अग्लो भूभाग रहेको र विविधताका लागि संसारमै अद्वितीय रहेको बताए । संसारभरिकै मानिसले नेपाललाई मन पराउने भन्दै पर्वतारोहणदेखि साइक्लिङसम्म, पदयात्रादेखि चरा अवलोकनसम्म, साहसिक पर्यटनदेखि योग र ध्यानका लागि पनि नेपाल लोकप्रिय गन्तव्य भएको उनले बताए ।

नेपाल-बेलायत २०० वर्ष पुरानो सम्बन्ध आपसी मित्रता र सहयोगमा आधारित रहेको बताए । सन् २०१५ मा गएको शक्तिशाली भूकम्पपछि बेलायती राजकुमार ह्यारी ११ दिनसम्म नेपालमा रमाएको उनले स्मरण गरे । सयौं सहभागी उक्त अवार्डस् कार्यक्रममा सस्टेनेवल विजनेश अवार्ड, विजनेश अचिभमेन्ट अवार्ड, योङ ट्राभल म्यानेजर अफ दि इयर, योङ ट्राभल इन्टरप्रिनर अफ दि इयर, योङ हस्पिटालिटी म्यानेजर अफ दि इयर, योङ हस्पिटालिटी इन्टरप्रिनर अफ दि इयरलगायत अवार्ड वितरण गरिएको थियो ।

कार्यक्रममा नेपाली दूतावासका उपनियोग प्रमुख शरदराज आरण, नेपाल पर्यटन बोर्डका युके प्रतिनिधि पशुपति भण्डारी, नेपाल पर्यटन बोर्ड डेनमार्कका मानार्थ प्रतिनिधि सोम सापकोटालगायतको सहभागिता थियो ।

Esewa Pasal

प्रकाशित : वैशाख १८, २०७५ १८:००
ADVERTISEMENT
प्रतिक्रिया
पठाउनुहोस्
ADVERTISEMENT

कांग्रेसले पुनर्जीवन पाउँछ : नेता पौडेल

प्रताप रानामगर

दमौली — नेपाली कांग्रेसका वरिष्ठ नेता रामचन्द्र पौडेलले नेपाली कांग्रेसले पुनर्जीवन पाउने दाबी गरेका छन् । १२९ औं अन्तर्राष्ट्रिय श्रमिक दिवसको अवसरमा मंगलबार ट्रेड युनियन कांग्रेस तनहुँले दमौलीमा गरेको कार्यक्रमलाई सम्बोधन गर्दै नेता पौडेलले कांग्रेस कार्यकर्ता गाउँ गाउँमा पुगी संगठन गरे पार्टीले पुनर्जीवन पाउने बताए ।

'कांग्रेस कार्यकर्ता जनताको घरदैलोमा जानुपर्छ ’ , उनले भने, ‘जनतासँग प्रत्यक्ष सरोकारका विषयमा केन्द्रित भएर जनताको पक्षमा काम गर्न आवश्यक छ। ’

‘पार्टी संगठन गर्न म पनि गाउँ गाउँमा आउँछु’, नेता पौडेलले भने, ‘अहिले सांसद संख्या कम भएपनि अझै पनि कांग्रेससँग जनमत छ। कर्मशील कांग्रेसले मात्र पार्टीलाई पुनर्जीवन दिन्छ। ’

पार्टीको संगठन मजबुत बनाएर पाँच वर्षपछिको निर्वाचनमा नेपाली कांग्रेसले पूर्ण बहुमत ल्याउने नेता पौडेलले दाबी गरे। यसका लागि आजैदेखि कर्मशील भएर पार्टीको संगठन बनाउन कांग्रेस कार्यकर्तालाई निर्देशन दिए। कांग्रेस कार्यकताहरु आत्मविश्वासका साथ गाउँमा जानुपर्छ। कांग्रेस सरकारले गरेका विकास निर्माणका कार्यहरु बारेमा जनतामा प्रचारप्रसार गर्न नेता पौडेलले कार्यकर्ताहरुलाई निर्देशन दिए।

कांग्रेस सरकारका पालामा गाउँ गाउँमा सडक, विद्युत, पुल, खानेपानी, स्वास्थ्यचौकी लगायतका पूर्वधार विकास पर्‍याए पनि यसका बारेमा कांग्रेसले जनतासम्म प्रचारप्रसार गर्न नसक्नु कमजोरी भएको नेता पौडेलले बताए। ‘विकास गर्ने पार्टी कांग्रेस हो’ , उनले भने, ‘वामपन्थीहरु विकासको नारा मात्र दिन्छन् तर विकास गर्दैनन्।’ अहिलेको वामपन्थी सरकारले देश विकासको नारा दिएर जनतालाई नझुक्याउनउनले आग्रह गरे।

फरक प्रसंगमा नेता पौडेलले सभापति शेरबहादुर देउवाले एकलौटी गरे आफ्नो समूहले बाहिष्कार गर्ने चेतावनी दिए। पार्टीको विधान छ, विधान भन्दा दायाँबायाँ गरे आफू चुप लागेर नबस्ने उनले बताए। ‘विद्यान अनुसार पनि नगर्ने र सहमति पनि नगर्ने कार्यशैली अपनाए संस्थापन पक्षको हरेक छलफल नै बहिष्कार गरिन्छ’ , उनले भने।

प्रकाशित : वैशाख १८, २०७५ १७:४८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT