नेपाल फाइनान्स हङकङको १८ प्रतिशत लाभांश

किसन राई

हङकङ — हङकङका नेपालीहरुद्वारा प्रवद्र्धित नेपाल फाइनान्स लिमिटेडले १८ प्रतिशत लाभांश वितरण गरेको छ । यो प्रतिशत स्थापनाको सातौँ वर्षमा अहिलेसम्मकै उच्च रहेको छ ।

Yamaha

छैठौं साधारण सभामा जनरल म्यानेजर शशिमदन राईद्वारा प्रस्तुत आर्थिक प्रतिवेदनमा १६ लाख ४९ हजार २ सय १८ हङकङ डलर मुनाफा देखाइएको छ । स्थापनाको चौथो वर्षदेखि वितरण गरिएको मुनाफा पहिलो वर्ष १२ र दोस्रो वर्ष १५ प्रतिशत देखाइएको छ ।

साधारण सभाद्वारा पारित आर्थिक प्रतिवेदन अनुसार फाइनान्सको शेयर पुँजी १ करोड २ लाख १९ हजार ४ सय डलर र चुक्ता पुँजी ३ करोड ९० लाख ५६ हजार ३ सय १० डलर रहेको छ । ३ करोड २२ लाख १६ हजार १ सय ५१ डलर ऋण लगानी गरेको छ ।

समापन कार्यक्रममा प्रमुख अतिथि नेपाली कन्सुल जनरल कमलप्रसाद भट्टराईलाई लाभांश वितरण गर्न लगाइएको थियो । सोही समारोहमा कन्सुल जनरल भट्टराईले नेपाल फाइनान्सको अनुकरणीय काम भन्दै प्रशंसा गरेका थिए ।

उक्त अवसरमा कार्यकारी प्रमुख धिरजकुमार राईले ऋण प्रवाह मात्रै गरिरहेको फाइनान्सले चाडै रेमिटेन्स सेवा सुरु गर्ने बताएका थिए । उनले नेपालको घरजग्गा क्षेत्रमा पनि लगानी गर्ने सोच रहेको जानकारी गराएका थिए ।

प्रकाशित : वैशाख ३१, २०७५ १५:४७
प्रतिक्रिया
पठाउनुहोस्
ADVERTISEMENT

मिसेज् हङकङ नेपालको तयारीमा सुगारिका

किसन राई

हङकङ — कोरियोग्राफर तथा ट्रेनर, ११ औं मिस नेपाल सुगारिका केसीले प्रथम मिसेज हङकङ, नेपालको तयारीप्रति आफु सन्तुष्ट रहेको बताएकी छन् । उनी बिहीबार मात्र यहाँ आइपुगेकी हुन् ।

ट्रेनर तथा कोरियोग्राफर सुगारिका केसी र विनोद बस्नेतका प्रथम मिसेज हङकङ नेपालका प्रतियोगीहरु । तस्बिर: कान्तिपुर ।

‘अहिलेसम्मको तयारी मैले सोचेको भन्दा धेरै राम्रो रहेछ’ सहभागीहरुले परिचय प्रस्तुत गरिसकेपछि उनले भनिन्, ‘विनोदजीलाई धन्यवाद ! पार्टिसिपियन्ट्सहरुको पर्फर्मेन्सले म उत्साहित भएकी छु, कोसिस गर्नुहोस् यो भन्दा धेरै गर्न सकिन्छ ।’

पन्ध्र दिनअघि सम्पन्न अडिसनबाट छानिएका ११ प्रतियोगीलाई ट्रेनर तथा कोरियोग्राफर विनोद बस्नेतले प्रारम्भिक तालिम दिइरहेका छन् । उक्त अडिसनबाट पविता राई, नानु गुरुङ, मञ्जु थापा, रिन्जी डोल्मा, निता थापा मगर, सविता इङनाम, करुणा प्रधान, अनिता तामाङ, अनिता राई, शान्ति खत्री र सरु चाम्लिङ छानिएका छन् ।

उक्त प्रतियोगिता स्थानीय हेनरी जी ल्योङ याउमोत कम्युनिटी सेन्टरमा वैशाख ३० (मे १३) का दिन सम्पन्न हुनेछ । प्रतियोगिताका शीर्ष तीन विजयीले ७, ५ र ३ हजार नगद हङकङ डलरसहितको पुरस्कार प्राप्त गर्नेछन् ।

आयोजक नेपाली महिला संघकी अध्यक्ष राधिका गुरुङका अनुसार हङकङमा रहेका विवाहित नेपाली महिलाको व्यक्तित्व विकास र सशक्तिकरणका लागि प्रतियोगिताको आयोजना गरिएको हो ।

प्रकाशित : वैशाख २१, २०७५ १८:०९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT