नेपालको बजेट बारे हङकङमा अन्तरक्रिया

किसन राई

हङकङ — नेपाल च्याम्बर अफ कमर्स हङकङले नेपालको बजेट बारे अन्तरक्रिया गरेको छ । नेपालीद्वारा सञ्चालित पाम्पास स्टेक हाउसमा सम्पन्न अन्तरक्रियामा कार्यसमिति, सल्लाहकार र संरक्षक समितिको सहभागिता थियाे ।

अन्तरक्रियापछि सहभागीहरु सामुहिक तस्बिरमा ।

कार्यक्रममा कन्सुल जनरल कमलप्रसाद भट्टराईले देशको बजेटको बारेमा प्रवासमा अन्तरक्रिया हुनु स्वागतयोग्य भन्दै प्रशंसा गरेका थिए। उनले संघीय संरचनापछिको पहिलो बजेट भएकाले विगत भन्दा फरक रहेको बताए।

Yamaha

भट्टराईले स्वदेशमा रोजगार बृद्धि गर्न विभिन्न योजनाको व्यवस्था गरिएको र गैर–आवासीय नेपाली (एनआरए) को संख्या घटाउनेतर्फ बजेट केन्द्रित रहेको बताए।

भन्सार तिरेर सय ग्रामसम्म सुन लैजान पाउने व्यवस्थाले एनआरएनलाई राहत पुगेको बताउादै उनले वैदेशिक रोजगारबाट फर्किएकालाई सीप प्रमाणिकरण गरी ऋण उपलब्ध गराउने व्यवस्थाको सुरुवातलाई सकरात्मक रुपमा लिन आग्रह गरेका थिए।

च्याम्बरका पूर्व अध्यक्ष जगन्नाथ ज्ञवालीले विदेशबाट अवकास जीवनका लागि फर्कनेलाई निजी प्रयोगका सवारी साधन र घरेलु प्रयोजनका सामग्रीमा भन्सार छुटका लागि आगामी बजेटमा व्यवस्था हुन आवश्यक रहेको सुझाव पेश गरेका थिए। उनले बजेट समग्रमा सकरात्मक रहेको प्रतिक्रिया दिएका थिए।

उपाध्यक्ष लवकुमार गुरुङले विदेशमा बसोबास गर्नेले पनि स्वदेशको बजेटप्रति चासो राख्न आवश्यक रहेकोमा जोड दिए।

अध्यक्ष डासुराम पराजुलीले बजेटबाट राजनीतिक स्थिरताको आभास मिलेको बताउँदै विकासको गति बढ्ने आशा व्यक्त गरे। लोकप्रियतामा नभएर आधारभूत विकासमा जोड दिइएकोले बजेटबाट सन्तुष्ट हुन सकिएको उनको प्रतिक्रिया थियो।

प्रकाशित : असार ८, २०७५ १६:२८
प्रतिक्रिया
पठाउनुहोस्

भिजिट नेपाल २०२० : हङकङमा वार्मअप

किसन राई

हङकङ — नेपाल पर्यटन वर्ष २०२० ‘भिजिट नेपाल २०२०’ सफल बनाउन वार्मअपको रुपमा नेपाल पर्यटन बोर्डले ३२औँ हङकङ अन्तर्राष्ट्रिय ट्राभल एक्सपोमा सहभागिता जनाएको छ ।

चार दिने एक्सपोको समापनको दिन बोर्डका निर्देशक मणिराज लामिछानेले हङकङलगायत चीनबाट आइरहेका पर्यटन संख्या दोब्बर बनाउने उद्देश्य अनुरुप सहभागिता जनाइएको र सफल भएको दावी गरेका छन् ।

‘२० लाख पर्यटन भित्र्याउने लक्ष्यसहित घोषणा गरिएको भिजट नेपाल २०२० को वार्मअपको रुपमा सहभागी भएका हौँ’, लामिछानेले भने, ‘हाल हङकङलगायत चीनबाट आइरहेका पर्यटन संख्या दोब्बर बनाउने उद्देश्य अनुरुप सहभागिता जनाइएको थियो जुन सफल भएको छ ।’

नेपाल पर्यटन बोर्डको स्टलमा नेपाल वायु सेवा निगम र चारवटा ट्राभल्स कम्पनीका छुट्टाछुट्टै सबस्टल रहेका थिए । निगमले प्रर्वद्धनात्मक हवाई भाडा र ट्राभल्स कम्पनीहरुले टुर प्याकेज लगायतका सामग्रीहरु वितरण र जानकारी गराएका थिए ।

बोर्डका प्रवर्द्धन अधिकृत प्रदीप बस्नेतका अनुसार नेपालमा भूकम्प र नाकाबन्दीको असर विश्वले बिर्सिसकेको छ । चार दिनको प्रदर्शनीमा कुनै पनि सहभागीले यस विषयमा प्रश्न गरेनन् र जिज्ञासा पनि राखेनन् । सो अवसरमा नेपालको पर्यटन क्षेत्रको जानकारीमूलक सामग्री निशुल्क वितरण समेत गरिएको थियो ।

नेपाल घुम्न र हेर्नका लागि प्याकेज टुरको बारेमा निकै जिज्ञासा राखिएको सिनेक एडभेन्जरका निर्देशक खेमकुमार निरौलाले अनुभव सुनाए । उनका अनुसार टुर प्याकेजको प्रर्वद्धन गर्न सके नेपाल घुम्न आउने पर्यटकको संख्या बढाउन सहयोग पुग्ने छ ।

प्रकाशित : असार ४, २०७५ १५:४७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT