पोर्चुगलमा कांग्रेसको यूरोपस्तरीय भेला हुने

आगामी जुलाई २१ मा पोर्चुगलको राजधानी लिस्वनमा पार्टी उपसभापति विमलेन्द्र निधिको प्रमुख आतिथ्यतामा भेला हुन लागेको हो । कार्यक्रममा यूरोपमास्थित अन्य राष्ट्रिय समिति तथा सदस्यहरुको उपस्थिति रहने यूरोप समितिका महामन्त्री गंगा गौतमले जानकारी दिए ।

भेलामा कांग्रेसको पछिल्लो अवस्थाबारे गम्भीर छलफल हुने छ भने पार्टीले लिनुपर्ने कार्यदिशा तथा प्रवासमा पार्टी संगठन सुधारका विषयमा सुझाव र सहयोग संकलन गरिने गौतमले बताए । निधिकै उपस्थितिमा नर्वे र स्पेनमा प्रशिक्षण तथा भेला आयोजना गरिएको छ ।