हङकङमा एनआरएन महिला फोरम गठन

किसन राई

हङकङ — गैर आवासीय नेपाली (एनआरएन) महिला फोरम हङकङ गठन गरिएको छ । महिला संयोजक अनु राईको संयोजकत्वमा गठित फोरम २१ सदस्यीय रहेको छ । 

संयोजक राईका अनुसार महिला सशक्तिकरण, नेतृत्व विकास, समृद्धिलगायतका लागि फोरम गठन गरिएको हो । उक्त फोरमका सदस्यहरुमा क्रमश: विष्णु मुखिया, गीता गुरुङ, सावित्रा इङनाम, नानु गुरुङ, रिन्जी शेर्पा, निता थापा, कुरुण प्रधान, पवित्रा राई, देउकुमारी राई, सरस्वती चाम्लिङ, कल्याणी गुरुङ, अन्जु गुरुङ, अनिता राई, ईशु बर्देवा, देवी घिसिङ, सावित्री सुब्बा, विमता लिङदेन, सामिन वनेम, लक्ष्मी थापा र प्रभा राई रहेका छन् ।

Yamaha

गैर आवासीय नेपाली संघकी अध्यक्ष राधिका गुरुङको प्रमुखआतिथ्यमा सम्पन्न भेलाले असली लिम्बू, युगमाया राना, सरस्वती घिसिङ, रचना प्रधान, गोमा पुन, निलम थापा, मन्जु थापा र पविता पुमा राई फोरमको सल्लाहकारमा चयन गरेको छ ।

भेलालाई सम्बोधन गर्दै अध्यक्ष गुरुङले अन्तर्राष्ट्रिय समन्वय समितिमार्फत फोरमले नेपालका दुर्गम क्षेत्रमा महिला स्वास्थ्य शिविर, सीपमूलक तालिम र आयमूलक व्यवसाय सञ्चालनमा सहयोग गर्ने योजना रहेको बताएकी थिइन् ।

Esewa Pasal

प्रकाशित : असार २१, २०७५ १९:०९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

हङकङमा मारिएका दिलबहादुरकी श्रीमती र छोरीलाई हङकङ आईडी

किसन राई

हङकङ — हङकङ प्रहरीले गोली हानी हत्या गरेका दिलबहादुर लिम्बूकी श्रीमती सोनी राई र छोरी तान्छोमा लिम्बूले स्थायी परिचयपत्र (परमानेन्ट आईडी) पाएका छन् । आईडीसँगै उनीहरुलाई फ्लाट र करिब चार लाख हङकङ डलर पनि उपलब्ध गराइएको छ ।

हत्याको किटनीसहित हङकङ प्रहरीविरुद्ध मुद्दा दायर गर्नअघि कानुनी सोलिसिटर र सहयोगीका साथ सोनी राई । आमा-छोरी ।

२०६५ साल चैत्र ४ का दिन निहत्था दिलबहादुर लिम्बूलाई प्रहरी जवान हुइ का–किले गोली हानेका थिए । हो मान्तिनस्थित सार्वजनिक पार्कमा बस्ने गरेका लिम्बूले हल्ला गरेको स्थानीयले सिकायत गरेपछि हुइ त्यहाँ पुगेका थिए । आईडी चेक गर्ने क्रममा उनीहरुबीच भएको विवादमा हुइले गोली चलाएका थिए ।

घटनापछि हङकङ नेपाली महासंघको नेतृत्वमा सम्पन्न विरोध प्रदर्शनमा हजारौं सहभागी बनेका थिए । प्रदर्शन हङकङ सरकारको मुख्यालयमा पुगेर सभामा परिणत भएको थियो । उक्त घटना विश्वभर समाचारको विषय बनेको थियो । सोही क्रममा नेपालमा रहेकी उनकी श्रीमती र छोरी हङकङ आएका हुन् ।

उक्त घटनालाई लिएर बनाएको छानबिन समिति (कोरोनर्स कोर्ट) ले ‘न्यायिक हत्या’ भन्ने प्रतिवेदन दिएपछि हत्यासम्बन्धी मुद्दा लगाइएको थियो । २०६७ साल माघ ७ का दिन अदालतले समितिको प्रतिवेदन सदर गर्दै मुद्दा खारेज गरेपछि सोनी राईको तर्फबाट क्षतिपूर्तिसम्बन्धी दाबी गर्ने बताइएको थियो । पुनरावेदनको लागि आर्थिक समस्या परेपछि कानुनी लडाइँ सकिएको थियो । सुरुआती मुद्दाका लागि सरकारी आर्थिक सहयोग (लिगल एड) प्राप्त भएको थियो ।
मुद्दामामिलाकै क्रममा सरकारले केही रकम दिएर नेपाल फर्काउन चाहेको महासंघका तत्कालीन अध्यक्ष हेम लिम्बूको अनुभव रहेको छ । नेपाल फर्कनुभन्दा आईडी प्राप्त गर्न सके आमा-छोरीको जीविकोपार्जन सहज हुने भएकोले उपायको खोजी गरिएको थियो । आश्रित भिसाको लागि स्पोन्सरको रुपमा रहेका दिलबहादुर लिम्बूको मृत्यु भइसकेकोले कानुनी व्यवधान रहेको थियो । यस स्थितिमा उनीहरुको बसाइ ७ वर्ष लम्ब्याउनुको विकल्प थिएन । यसका लागि छोरीलाई स्टुडेन्ट र आमालाई संरक्षकको रुपमा भिसा प्राप्त भएको थियो ।

हङकङको अध्यागमन ऐन (इमिग्रेसन अर्डिनेन्स) अनुसार वैधानिक कागजातसहित ७ वर्ष लगातार बस्ने व्यक्तिलाई स्थायी परिचयपत्र प्राप्त हुने सोलिसिटर एकनारायण शर्मा बताउँछन् । सोही अनुसार आमा–छोरीले स्थायी परिचयपत्र प्राप्त गरेका हुन् ।

प्रकाशित : असार १५, २०७५ १७:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT