नेजाद्वारा पत्रकारहरू सम्मानित

कान्तिपुर संवाददाता

काठमाडौँ — नेपाल–अमेरिका पत्रकार संघ (नेजा) ले पत्रकार आङछिरिङ शेर्पालाई यस वर्षको नेजा लिडरसिप अवार्डले सम्मान गरेको छ ।

त्यस्तै पत्रकारहरू शुरेशचन्द्र पोखरेल र लेखनाथ भण्डारीलाई लाइफटाइम अचिभमेन्ट अवार्डद्वारा सम्मान गरिएको छ ।

Yamaha


उनीहरूलाई अमेरिकाको सियाटालमा आयोजित नेजाको छैटौं अधिवेशनमा सम्मान गरिएको हो । नेपाल पत्रकार महासंघका अध्यक्ष गोबिन्द आचार्यले सम्मान प्रदान गरेका थिए ।

न्युयोर्कबाट प्रकाशन हुँदै आएको एभरेष्ट टाइम्स पत्रिका तथा एभरेष्ट टाइम्स अनलाइनका प्रधान सम्पादक शेर्पाले आफ्नो कार्यकालमा नेपालको ग्रामीण भेगमा पत्रकारिता पुरस्कार तथा तालिममा महासंघमार्फत् सहयोग गरेका थिए ।

शेर्पा नेजाका पूर्वअध्यक्ष तथा सल्लाहकार हुन् ।

प्रकाशित : श्रावण ७, २०७५ २०:१६
ADVERTISEMENT
प्रतिक्रिया
पठाउनुहोस्
ADVERTISEMENT

बसधनीले चलाएको बस दुर्घटनाग्रस्त

बस धनी सख्त घाइते
काशीराम डाँगी

रोल्पा — कृष्णनगरबाट रोल्पा सदरमुकाममा यात्री पुर्‍याएर घरमा बस लैजाँदै गर्दा रोल्पा नगरपालिका-४ खाद्य टोलमा सोमबार दिउँसो दुर्घटनामा परेको छ । दुर्घटनामा परी आफैंले गाडी चलाएका बस धनी सख्त घाइते भएका छन् । 

स्थानीय प्रत्यक्षदर्शीका अनुसार टुडिखेलमा यात्रु ओरालेपछि मेबाङस्थित आफ्नै घरमा बस लैजान खोजेका बस धनी इन्द्रकुमार गिरीले चलाएको बस खाद्य टोलस्थित सडकदेखि एक सयमिटर मुनि खसेको हो। बस खस्दा सह चालक भागेर बाँचेका थिए भने बसभित्रै च्यापिएका बसधनी गिरीलाई सेना र प्रहरीको उद्धार टोलीले घाइते अवस्थामा उद्धार गरेको छ।

‘सजिलो सडकमा चलाइएको बस मेरै आँखा अघिल्तिरबाट सडक मुनि खस्यो,’ घटनाका प्रत्यक्षदर्शी स्थानीय ऋषिराम रोकाले भने, ‘सडकमा बस चलाउन थालेका गिरीले घटनाअघि देखि बस अनियन्त्रित तरिकाले चलाएका थिए। आखिरमा ती चालक पनि रहेनछन्।’ बस अनियन्त्रित गतिमा गुडाइएको देखेपछि सडकमा हिँडिरहेको एउटा बालकलाई आफैंले समाएर जोगाएको रोकाले सुनाए।

सडकबाट मकैबारी हुँदै सय मिटर तल खसेको ग १ ख ५५३० नम्बरको आशीर्वाद यातायात प्रालिको उक्त बस क्षतिग्रस्त छ। बसभित्रै च्यापिएका बस धनी गिरीलाई उद्धार गरी बसबाहिर निकाल्न सेनाको टोलीलाई एक घण्टा बढी समय लागेको थियो। घटनाबारे जानकारी पाउने बित्तिकै उद्धारमा आएकाले बसधनीको ज्यान जोगाउन सकिएको रोल्पास्थित नेपाली सेनाको खड्ग दल गणका सेनानी धर्म बोगटीले बताए।

टाउको, पेट र पिठ्यूमा गम्भीर चोट लागेका बस धनी गिरीको उपचार रोल्पा अस्पतालमा भइरहेको प्रहरीले जनाएको छ। रोल्पाका प्रहरी नायव उपरीक्षक ज्ञानेन्द्रप्रसाद फुयालले बसभित्र यात्रु नभएकाले ठूलो मानवीय क्षति हुनबाट जोगिएको बताए। केही अघिसम्म बसका चालकले नै चलाएको उक्त बस गिरीले मेबाङस्थित जुमठानामा रहेको आफ्नो घरमा लैजान आफैंले चलाएका थिए।
प्रहरीका अनुसार बस धनी गिरीसँग सवारी चालक अनुमति पत्र भएपनि उनले विदेशमै गाडी चलाउने गर्थे। उक्त बस उनले केही समय अघि मात्रै किनेका थिए।

प्रकाशित : श्रावण ७, २०७५ २०:०८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT