अष्ट्रेलियमा रहेका नेपालीको तथ्यांक संकलन गर्दै दूतावास

नारायण खड्का

अष्ट्रेलिया — अष्ट्रेलियास्थित नेपाली दूतावासले अष्ट्रेलियामा मृत्यु भएका, जेल वा डिटेन्सन सेन्टरमा रहेका नेपालीहरुको खोजी सुरु गरेको छ । दूतावासले अष्ट्रेलियामा रहेका सबै अवैतनिक दूतहरुलाई निर्देशन जारी गरेर सूचना संकलन गर्न भनेको छ ।

दूतावासले सबैलाई औपचारिक इमेल मार्फत स्थानीय संघसंस्थाहरुसँग समन्वय गरेर सबै नेपालीहरुको जानकारी र सूचना एक सातासम्ममा दिनका लािग अवैतनिक वाणिज्य दूतावासहरुलाई निर्देशन दिएको हो। दूतावासको निर्देशनमा मृत्यु भएका, जेल वा डिटेन्सन सेन्टरमा रहेका र उद्दार अथवा नेपाल फिर्तीका लागि सहयोग आवश्यक भएका कुनै नेपालीहरु भए सूचना दिन भनेको छ। दूतावाससँग अहिलेसम्म नेपालीहरुको कुनैपनि तथ्यांकहरु नभएकाले तथ्यांक संकलन सुरु गरिएको बताइएको छ।

क्यानबेरामा रहेको नेपाली दूतावासलाई यहाँका विद्यार्थीहरुका साथै विभिन्न संघसंस्थाहरुले नेपालीहरुको तथ्यांकहरु राख्नका लागि आग्रह गर्दै आएका छन्। सोही आग्रहलाई ध्यानमा राखेर अवैतनिक वाणिज्यदूतावासका साथै सबै संघसंस्थाहरुसँग सूचनाका लागि आग्रह गरिएको कार्यवाहक राजदूत दु्रपदा सापकोटाले बताइन्। उनले आफूहरुसँग यस सम्बन्धि कुनैपनि सूचना आधिकारिक रुपमा नरहेकाले समेत नेपालीहरुको जानकारी आवश्यक भएको बताइन्।

Yamaha

कार्यवाहक राजदूत सापकोटाले आफूहरुले सूचनाका लागि अष्ट्रेलियाको केन्द्रिय मन्त्रालय तथा राज्यस्तरमा रहेका विभिन्न सरकारी निकायहरुसँग समेत आग्रह गरेको बताइन्। ‘हामीले दूतावास स्थापना भएको यति लामो समयसम्म पनि कुनैपनि आधिकारिक जानकारी राख्न नसकेकाले समेत सबै प्रकारका सुचनाहरु राख्ने प्रक्रिया सुरु गरेका हौं,’ उनले भनिन्।

प्रकाशित : श्रावण २७, २०७५ ११:२१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

बादलु

कविता
कान्तिपुर संवाददाता

काठमाडौँ — अचानक बादलुलेपानी पारिदिन्छधर्तीभरि अमृतकोथोपा झारिदिन्छ ।

बाक्लो बादल आकाशमा
भए पानी पर्छ
कहिलेकाहीँ पानीसँगै
असिना नि झर्छ ।

मिलिक्क बिजुली चम्केपछि
गडयाङगुडुङ गर्छ
असार, साउन, भदौ महिना
बढी पानी पर्छ ।

धेरै पानी परेपछि
माटो हुन्छ गिलो
जताततै बाटाहरू
हुने गर्छन् हिलैहिलो ।

-रन्धीर साह, कक्षा–७
काञ्जीरोवा नेसनल मावि, काठमाडौं

प्रकाशित : श्रावण २७, २०७५ ११:०७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT