१७.१२°C काठमाडौं
काठमाडौंमा वायुको गुणस्तर: १६०

तीज नआउँदै अस्ट्रेलियामा कार्यक्रम

नारायण खड्का

अस्ट्रेलिया — हिन्दू नारीहरुको मुख्य पर्व तीज आउन महिना दिन बाँकी छँदै अस्ट्रेलियामा तीज कार्यक्रम सुरु भइसकेको छ । सिड्नीमा शनिबार मात्रै नेपालका चर्चित कलाकारहरुको साथमा दुई वटा कार्यक्रम आयोजना गरिएको थियो ।

तीज नआउँदै अस्ट्रेलियामा कार्यक्रम

कार्यक्रममा कोमल ओली, माण्डवी त्रिपाठी, शान्तिश्री, खुमन अधिकारी, तेजस रेग्मीलगायत गायक, गायिकाहरुले सहभागिता जनाए । सिड्नीको अलावा पार्कमा मायालु इन्टरटेन्मेन्टले ३ हजार बढी सहभागी तीज महोत्सवमा ओलीलगायत कलाकारले मनोरञ्जन दिलाएका थिए । कार्यक्रममा महिला, बालबालिकाका साथै नेपालबाट आएका अभिभावकहरु साँझसम्म रमेका थिए ।


अर्कोतिर नारी निकुञ्ज न्यु साउथ वेल्सले सिड्नीकै ओरियन फक्सन सेन्टरमा गरेको तीज कार्यक्रममा माण्डवी त्रिपाठीले सहभागीहरुलाई नचाएकी थिइन् । कार्यक्रममा दरसमेत खुवाइएको थियो ।


नारी निकुञ्जद्वारा हरेक वर्ष आयोजना हुने कार्यक्रममार्फत नेपालमा पाठेघर खस्ने समस्या पीडित महिलालाई नि:शुल्क स्वास्थ्यसेवा पुर्‍याउन सहयोग जुटाउने गरिएको छ ।

प्रकाशित : श्रावण २७, २०७५ १७:१३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?