सम्पर्क विहिन बिज्ञान मृत फेला
काठमाडौँ — परिवार र कम्पनीसँग सम्पर्क विहिन रहेका बराहक्षेत्र नगरपलिका– २, सुनसरीका २७ वर्षीय विज्ञान बस्नेतको कतारमा मृत अवस्थामा हमाद अस्पतालमा फेला परेका छन् । अस्पतालको अनुसार उनको सडक दुर्घटनामा परी मृत्यु भएको हो ।
परिवार र साथीभाईसँग सम्पर्क विहिन भएका बस्नेतको दुर्घटनाबाट मृत्यु भएको हमाद अस्पतालले जनाएको छ । उनी ४ वर्ष देखि कतारको सनैया–४५ स्थित सुस मार्बल कम्पनीमा कार्यरत थिए ।
उनी २ अगस्तदेखि घर परिवार र कम्पनीमा समेत सम्पर्क विहिन थिए । हमाद अस्पतालको शव विभागमा कम्पनी र नेपाली दूतावासले सम्पर्क गरेपछि बस्नेतको शव अस्पतालमा रहेको जानकारी प्राप्त भएको हो । उनको अगस्त ३ मा सडक दुर्घटनामा परी मृत्यु भएको अस्पतालले जनाएको छ ।
उनी क्याम्पबाट साथीलाई भेट्न निस्केका थिए ।