एनआरएनको युएईमा मध्यपुर्व सम्मेलन हुँदै   

कान्तिपुर संवाददाता

काठमाडौँ — मध्यपुर्व (खाडी) क्षेत्रमा कार्यरत नेपाली कामदारका सवालका बिषयमा छलफल गर्न गैरआवासीय नेपाली संघ (एनआरएन) को छैटौं क्षेत्रीय सम्मेलन बिहिवारदेखि संयुक्त अरव इमिरेट्स (युएई)को पर्यटकीय शहर दुवईमा हुदैछ । दुई दिनसम्म चल्ने यो सम्मेलनले घोषणापत्र जारी गर्नेछ । 

भदौ ८ र ९ गते हुने कार्यक्रममा सहभागी हुन कतार, साउदी अरव, कुवेत, बहराइन, ओमन र लेवनान लगायत १२ देशबाट प्रतिनिधि आउने युएईका अध्यक्ष रमेश श्रेष्टले वताए । सम्मेलनलाई उद्घाटन गर्न सरकारको तर्फवाट खानेपानी मन्त्री विना मगर युएई जाँदैछन् ।

Yamaha

कार्यक्रममा युएईका लागि कार्यबाहक राजदूत सागरप्रसाद फुयाँल, एनआरएनका पूर्व अध्यक्ष डा. उपेन्द्र महतो, अध्यक्ष भवन भट्ट र एनआरएन आइसीसीका पदाधिकारीको उपस्थिती हुने आयोजकले जनाएको छ ।

सम्मेलनको सम्पुर्ण तयारी पुरा भइसकेको अध्यक्ष श्रेष्ठले वताए ।

मध्यपुर्व संयोजक आरके शर्माले खाडी क्षेत्रमा कार्यरत नेपालीको सवाल निकै महत्व रहेकोले सम्मेलनमा महत्वपुर्ण बिषयहरुमा छलफल हुने वताए ।

प्रकाशित : भाद्र ५, २०७५ १५:०६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

चितवनमा पोल्ट्री सम्बन्धि अन्तर्राष्ट्रिय सम्मेलन हुने

विमल खतिवडा

काठमाडौँ — चितवनको कृषि तथा वन विज्ञान विश्वविद्यालयमा कुखुरापालनको क्षेत्रमा अध्ययन, अनुसन्धान र विकासमा निरन्तर कार्य गरिरहेका वैज्ञानिकहरुको अन्तर्राष्ट्रिय सम्मेलन हुने भएको छ । 

तीन दिनसम्म चल्ने ‘अन्तर्राष्ट्रिय पोल्ट्री सिम्पोजियम २०१८’ मा नेपाल, भारत, जापान, अष्ट्रेलिया, जर्मनी, बंगलादेश लगायत १० देशका ५० भन्दा बढी वैज्ञानिकहरुले भाग लिने छन् ।
कृषि तथा वन विज्ञान विश्वविद्यालय अन्तर्गत पशु विज्ञान, पशु चिकित्सा र मत्स्य विज्ञान संकायको आयोजनामा सम्मेलन कार्तिक ११ देखि १३ गतेसम्म हुने छ ।

सम्मेलनमा कुखुरा उत्पादन सम्बन्धी नीतिगत ,सामाजिक आर्थिक अवस्था, पोषण व्यवस्थापन, स्वास्थ्य व्यवस्थापन कुखुराको अनुवांशिकी, प्रजनन व्यवस्थापन तथा जैविक प्रविधि लगायतका विधाहरुमा अनुसन्धानमूलक कार्यपत्रहरु प्रस्तुत हुने छन् ।

‘ कुखुरा उत्पादन र व्यवस्थापन, अध्ययन अनुसन्धान र विकास सम्बन्धी नेपालमा पहिलो पटक यो सम्मेलन आयोजना हुन लागेको हो,’ अन्तर्राष्ट्रिय पोल्ट्री सिम्पोजियम मूल आयोजक समितिकी अध्यक्ष प्राडा.शारदा थपलियाले भनिन,‘ पर्यटक आउने समयलाई मध्य नजर गरेर कार्तिकमा सम्मेलन गर्न लागेका हौँ ।’

उनका अनुसार यसअघि भैंसीबारे विज्ञहरुको उपस्थितीमा सम्मेलन गरिएको थियो । थपलियाले सम्मेलनले प्रत्यक्ष रुपमा व्यावसायिक कुखुरा पालक किसानलाई फाईदा पुग्ने बताईन ।

पशु सेवा विभागमा पत्रकार सम्मेलन गरेर सम्मेलनबारे जानकारी गराईएको हो । विभागका महानिर्देशक डा.विमलकुमार निर्मलका अनुसार पहिलो पटक हुन लागेको सम्मेलनबाट कुखुरा पालक कृषकले लाभ लिने छन् ।

प्रकाशित : भाद्र ५, २०७५ १४:५३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT