सर्वाेच्चको आदेशप्रति अस्ट्रेलियाका नेपाली खुसी

नारायण खड्का

अष्ट्रेलिया — सर्वाेच्च अदालतले विदेशमा रहेका नेपालीलाई पनि मतदानको व्यवस्था मिलाउन दिएको आदेशप्रति अस्ट्रेलियाका नेपालीले खुसी व्यक्त गरेका छन् । प्रवासी नेपालीहरूको संगठन एनआरएनएले उक्त आदेशको स्वागत गरेको छ । 

सर्वाेच्चले आइतबार सरकारका नाममा जारी गरेको आदेशले विदेशमा रहेका नेपालीलाई आफ्नो देशसँग प्रत्यक्ष जोड्ने उनीहरूको प्रतिक्रिया छ । मतदान गर्न पाउँदा आफूले देशको नीतिनिर्माण र विकास योजना निर्माण गर्ने प्रतिनिधि छान्न पाउने भएकाले समेत देशप्रति अझ जिम्मेवार बन्ने उनीहरूको भनाइ छ । एनआरएन अस्ट्रेलियाका प्रवक्ता डिला खरेल तथा महासचिव नारायण कोइरालाले अदालतको निर्णयले विदेशमा रहेका नेपालीमा देशप्रति अपनत्वको भावना विकास गर्ने बताए ।

Yamaha

अस्ट्रेलियामा अहिले ३० हजार बढी विद्यार्थी अध्ययनरत छन् भने सोही हाराहारीमा नेपाली राहदानी भएका नेपाली बसोबास गरिरहेका छन् । अस्ट्रेलियालगायत मुलकहरूले विदेशमा रहेका आफ्ना नागरिकलाई चुनावका समयमा विदेशबाटै मतदान गर्ने व्यवस्था मिलाइरहेको भए पनि नेपालले भने ढिलै भए पनि यसतर्फ कदम चालेकामा उनीहरूले खुसी व्यक्त गरेका छन् । ‘यो राजनीतिक दलसँगको सक्रियताका रूपमा मात्र बुझ्नुभन्दा पनि जहाँ बसे पनि आफ्नो जनप्रतिनिधि आफंैले छान्न पाउने अवसर हो,’ एनआरएन अस्ट्रेलियाका पूर्वअध्यक्ष सुरेन्द्र सिग्देलले भने ।

अस्ट्रेलियाको सत्तारूढ दल लिबरलको नेपाली शाखाका प्रमुख श्री नापित सर्वाेच्चले आदेश दिए पनि यसले कानुनी रूप लिनुपर्ने भएकाले देखिएजति सहज नहुने दाबी गर्छन् । सर्वाेच्चले आदेश दिए पनि नेपालबाहिर सबै देशमा रहेका नेपालीलाई मतदानको अधिकार नदिने कानुन बन्न सक्ने उनी बताउँछन् । विदेशमा रहेका नेपालीलाई मतदान अधिकार दिँदा यसले सकारात्मक मात्र नभएर नकारात्मक राजनीतिक संस्कारको समेत विकास हुन सक्ने उनको तर्क छ ।

याे पनि पढ्नुहोस् :विदेशमा रहेकालाई मताधिकार सम्भव : निर्वाचन आयोग

प्रकाशित : भाद्र १८, २०७५ २०:५९
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

प्रतिवेदनको पर्खाइमा मकिदै सिंहदरबारको पश्चिम मोहडा

अध्ययन प्रतिवेदन पूर्ण हुन अझै दुई साता लाग्ने
सबलीकरणको उपाय पहिल्याइनेछ : कार्यकारी अधिकृत ज्ञवाली
देवेन्द्र भट्टराई

काठमाडौँ — मुलुकको प्रुमख प्रशासनिक निकाय सिंहदरबारको ‘पश्चिमी मोहडा’ भत्काउने की सबलीकरण गर्ने भन्ने बहस लम्बिरहँदा भवनको संरचना दिनानुदिन कमजोर बन्दै गएको छ।

तीन वर्षअघि गएको भूकम्पका कारण क्षतिग्रस्त बनेको सिंहदरबारका पूर्वी, उत्तरी र दक्षिणी मोहडामा सबलीकरण (रेट्रोफिटिङ) जारी रहेपनि पश्चिमी मोहडालाई भने अझै अध्ययन/अनुसन्धानकै क्रममा राखिएको छ। युरोपेली शैली–संरचना (नियो–क्लासिकल)मा राणा प्रधानमन्त्री चन्द्र शमशेरको पालामा बनेको सिंहदरबारको पश्चिमी भागमै बेलायती बैठकदेखि स्टेट हलसम्मका विशिष्ट संरचना छन्।

‘सिंहदरबारका तीन मोहडासहितको मुख्य भागमा भने तीन महिनायता रेट्रोफिटिङ जारी छ,’ राष्ट्रिय पूनर्निर्माण प्राधिकरणका एक अधिकारीले भने, ‘अब १५ महिनामा सक्नुपर्ने रेट्रोफिटिङको शर्मा न्यू टेक्निकलले ठेक्का पाएको छ, यसमा २४ करोड रुपैयाँ बिनियोजित छ।’
तर पश्चिमी मोहडा जिर्ण र संवेदनशील भएका कारण विषयविदको एउटा टोलीले जारी राखेको अध्ययनपछि मात्रै सवलीकरण गर्नेबारेमा टुंगो लाग्ने भएको छ। यो टोलीमा प्राधिकरणका सहसचिव राजु मानन्धर संयोजक रहेका छन्। टोलीले अब दुई सातामा आफ्नो अध्ययन प्रतिवेदन प्राधिकरणलाई बुझाउँदैछ।

‘यो ऐतिहासिक संरचना जोगाउने पक्षमा र सबलीकरण गर्ने पक्षमा निर्णय आउने अपेक्षा छ,’ प्राधिकरणका नवनियुक्त कार्यकारी अधिकृत शुशिल ज्ञवालीले पश्चिमी मोहडाको स्थलगत भ्रमणपछि भने, ‘टोलीको सुझाव प्रतिवेदन आउनासाथै सबलीकरणको मोडालिटी निर्धारण गरिनेछ।’
अहिले पश्चिम मोहडातर्फ माटो परीक्षणको काम समेत भैरहेको छ। जीएस सोयल एण्ड म्याटरियल इन्जिनियरिङका प्राविधिकले सोमबार मात्रै सिंहदरबार पश्चिमी मोहडाको १६ मिटर मुनिको माटो परीक्षण गरेको थियो। यो तहमा ‘कमजोर माटोको संरचना’ पाइएपछि थप विशिष्ट परीक्षण गरिने भएको छ।
‘सिंहदरबार जोगाउनेबारेमा बहस जारी रहेकै बेला यो संरचना जोगाउन भनेर प्लास्टिक ओतले छोपछाप गर्ने निर्णय भएको थियो,’ अध्ययन टोलीका संयोजक समेत रहेका सहसचिव मानन्धरले भने, ‘पश्चिमी मोहडाको बेलायती बैठक कक्षमाथि भने प्लास्टिक ओतको कुनोमा पानी जमेर पोखरी बनेको अवस्था रहेछ, एकपट्टिको पर्खाल भिजेर संरचना निकै कमजोर बनेको स्थिती छ।’ तर, सबलीकरणको जुनै उपाय लगाएर भएपनि सिंहदरबारको यो ‘सिग्नेचर’ संरचना जोगाउन सकिने अठोट मानन्धरले दोहोर्‍याए।
तस्बिर : अंगद ढकाल

प्रकाशित : भाद्र १८, २०७५ २०:५२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT