अमेरिकामा नेपाली युवकद्वारा आत्महत्या
न्युयोर्क — क्यालिफोर्निया राज्यको सानफ्रान्सिस्कोमा बस्दै आएका एक नेपाली युवाले समुद्रमा हामफालेर आत्महत्या गरेका छन् । बे एरियामा बस्दै आएका विद्यार्थी सञ्जित भट्टले बुधबार पुलबाट समुद्रमा हामफालेका थिए ।
भट्टको मुलघर नवलपरासीको परासी बजार रहेको बुझिएको छ । अध्ययनसँगै उवर चालक रहेका भट्ट, बुधबार राति घरबाट आमाले पकाएको खाना खाएर काममा जाने भन्दै हिडेको परिवारका एक सदस्यले बताए ।
उनी निस्के लगत्तै कोठामासँगै बस्ने साथीले सुसाइट नोट देखेपछि परिवारलाई खबर गरेका थिए । भट्टले नोटमा आफु जिन्दगीबाट विरक्तिएको र समुद्रमा हामफाल्न हिडेको उल्लेख गरेका थिए ।
कन्ट्राकोष्ट कम्युनिटी कलेजबाट अध्ययन सकेर, सानफ्रान्सिस्को स्टेट युनिभर्सिटीमा भर्ना हुने तयारीमा रहेका भट्टले सानराफेल पुलबाट हामफाल्दै आत्महत्या गरेका थिए । प्रत्यक्षदर्शीले प्रहरीलाई खबर गरेपछि करिब २ बजे बिहान शव फेला पारेको थियो ।
प्रकाशित : भाद्र २९, २०७५ ०८:३४