तेक्वान्दो खेलाडी क्षेत्रीलाई कोरियामा मानार्थ नागरिकता

बिहीबार आयोजित एक समारोहमा क्षेत्रीलाई साेल महानगरपालिकाले यस वर्षको मनार्थ नागरिकता प्रदान गरेको हाे ।

कोरियामा रहेर सामाजिक तथा आर्थिक क्षेत्रमा योगदान पुर्‌याउने विदेशीहरुलाई हरेक वर्ष महानगरपालिकाले यो सम्मान प्रदान गर्दै आएको छ ।

यस वर्ष २२ देशका विदेशी नागरिकहरु मध्ये नेपालबाट क्षेत्री सम्मानित भएका हुन् । बाग्लुङमा जन्मेर बुटवलमा बसोबास रहेका आएका क्षेत्री १४ वर्षदेखि कोरियामा बस्दै आएका छन् । नेपाल कोरिया भलिबल संघका संयोजक तथा युनिक भिजन ग्रुपका अध्यक्ष क्षेत्रीले विभिन्न सामाजिक र खेलकुद क्षेत्रमा रही कार्य गर्दै आएका छन् । राष्ट्रिय खेलाडी क्षेत्री तेकवान्दोका प्रशिक्षक समेत हुन् ।

हालसम्म कोरियामा रहेका ७ नेपालीहरुले यो मानार्थ नागरिकता पाइसकेका छन् । यस अघि केपी सिटौला, तेन्जी शेर्पा, राजु क्षेत्री, जुनु गुरुङ, हिम गुरुङ र गम्भीरमान श्रेष्ठले मानार्थ नागरिकता पाएका छन् ।