देवी मेचेलाई प्रवासीको सहयोग 

करेन्टबाट हात गुमाएर अपाङ बनेकी मेचेले हालै पति वियोग समेत व्यहोरेकी थिइन् । महिना दिनकी सुत्केरी उनलाई अमेरिकामा बसोबास गर्ने अर्जुन प्रसाद मैनालीको पहलमा आर्थिक सहयोग प्रदान गरिएको हो ।

मैनालीले अमेरिकामा बस्ने नेपाली समुदायसँगको सहकार्यमा संकलित रकम असहाय मेचे परिवारलाई कान्तिपुर दैनिकमार्फत् उपलब्ध गराएका थिए । यसअघि नेपाली कांग्रेसका प्रवक्ता विश्वप्रकाश शर्माको पहलमा मेचेलाई मेचीनगर ९ मा ७ धुर जग्गा उपलब्ध गराइएको छ ।

आगामी वैशाख १ गते मेचे परिवारलाई नयाँ घर उपहार दिने योजना रहेको समितिका संयोजक विजय डालमियाले जनाए ।