विद्यार्थीलाई सहयोग पुर्‍याउन हेल्प डेस्क

नारायण खड्का

अस्ट्रेलिया — अस्ट्रेलियाको सिड्नीस्थित अवैतनिक महावाणिज्य दूतावासको कार्यालयले अस्ट्रेलियन इन्स्टिच्युट अफ बिजनेस टेक्नोलोजी (एआईबिटी) बाट प्रभावित भएका विद्यार्थीहरूलाई सहयोग पुर्‍याउने उद्देश्यले हेल्प डेस्कको स्थापना गरेको छ । महावाणिज्य दूतावासले सयौँ विद्यार्थी प्रभावित भएका र उनीहरूको समस्यालाई सरोकारवाला निकायहरूसँगको समन्वयमा सहयोग पुर्‍याइने जनाएको छ ।

अवैतनिक महावाणिज्यदूत दीपक खड्काले विद्यार्थीहरूको समस्यालाई केही मात्रामा भए पनि सहयोग पुर्‍याउने उद्देश्यले यो कार्यको सुरुवात गरिएको जानकारी दिए । उनका अनुसार विद्यार्थीहरूको सहजताका लागि बिहान ९ बजेदेखि ४ बजेसम्म सम्पर्क गर्नका लागि फोन नम्बरको व्यवस्था गरिएको छ भने इमेल मार्फत २४ घण्टा सम्पर्क गर्न सकिनेछ ।

Citizen

‘एआईबिटीमा अध्ययन गर्न आएका सयौँ नेपाली भाइबहिनीहरू प्रभावित भएका कारण समेत यो कार्यले केही राहत पुर्‍याउने हाम्रो आशा हो ।’ उनले कान्तिपुरसँग भने । हेल्प डेस्कमा आएका समस्याहरूलाई सबैभन्दा पहिला विद्यार्थीहरू आएको कन्सल्टेन्सीसँग सल्लाह गरेर समस्या सुल्झाइने उनको भनाई छ । यसबाहेक विद्यार्थीहरूलाई कुनै कानुनी, स्वास्थ्य लगायतका समस्या परे सम्बन्धित निकायहरूसँग सरसल्लाह गरेर आवश्यक सहयोग पुर्‍याइनेछ ।

यसै गरी कलेजसँग सम्बन्धित कुनै समस्या भए कलेजको प्रशासनिक संयन्त्रसँग सरसल्लाह गरेर समस्या सुल्झाउने प्रयास गरिनेछ । सिड्नीमा रहेको महावाणिज्य दूतावासको कार्यालयमा स्थापना गरिएको हेल्पडेस्क १ महिनाको लागि सञ्चालन हुने खड्काले जानकारी दिए ।

यहाँको नियमन निकाय आस्क्वाले यही महिनाको २६ तारिखसम्मको म्याद दिएर दर्ता खारेज गरिदिएको उक्त कलेजमा अहिले ८ सय बढी नेपाली विद्यार्थीहरू अध्ययनरत छन् ।

प्रकाशित : फाल्गुन २५, २०७५ १६:२८
प्रतिक्रिया
पठाउनुहोस्

बलात्कारको अभियोग लागेका शिक्षक बर्खास्त 

हरि गौतम

रुकुम पश्चिम — आफ्‌नै छात्रामाथि बलात्कारको अभियोग लागेका शिक्षकलाई विद्यालयले कारबाही गरेको छ । छात्रामाथि अभद्र व्यवहार गरेको भन्दै सानीभेरी गाउँपालिका–९ स्थित राप्ती ज्ञानोदय माध्यमिक विद्यालयले प्राविधिक धारमा कार्यरत प्रशिक्षक प्रकाश खड्कालाई फागुन २४ गतेदेखि लागू हुने गरी बर्खास्त गरेको हो । 

शिक्षकले निभाउनुपर्ने न्यूनतम धर्म, मूल्य र कर्तव्यलाई बिर्सेर छात्रालाई बलात्कार गर्ने प्रयास गरेकाले उक्त कार्य शिक्षक आचारसंहिता विपरीत भएकाले खड्कालाई बर्खास्त गरिएको विद्यालयले जनाएको छ ।

विद्यालय व्यवस्थापन समितिका अध्यक्ष जयलाल भण्डारी र प्रधानाध्यापक शशिराम विश्वकर्माले एक विज्ञप्ति जारी गरी प्रशिक्षक खड्कालाई बर्खास्त गरेको जानकारी दिएका हुन् ।

यो पनि पढ्नुहोस्ः

प्रकाशित : फाल्गुन २५, २०७५ १६:१४
पूरा पढ्नुहोस्
प्रतिक्रिया
पठाउनुहोस्