१७.१२°C काठमाडौं
काठमाडौंमा वायुको गुणस्तर: १५७

मलेसियामा बस दुर्घटना हुँदा दुई नेपालीको मृत्यु 

काठमाडौँ — मलेसियाको राजधानी क्वालालम्पुर विमानस्थल नजिकै नेपाली कामदार बोकेको बस आइतबार राति ११ः३० बजे दुर्घटना हुँदा दुई नेपालीको ज्यान गएको छ । एकको अवस्था गम्भीर छ । ९ जनाको अस्पतालमा उपचार भइरहेको छ । 

नेपाली दूतवासका अनुसार रामु चौधरी र जगरनाथसिंह दनुवारको घटनास्थलमै ज्यान गएको हो । केशव थापाको अवस्था गम्भीर छ । उनलाई सीसीयू कक्षमा राखिएको छ । घाइतेहरूको पान्टीङ, सेराङ र पुत्राजय अस्पतालमा उपचार भइरहेको छ ।


कम्पनीको वासस्थानबाट ड्युटी जानेबेलामा दुर्घटना भएको हो । तीव्र गतिमा रहेको बस एक्कासि सडकको ढलमा खस्न पुगेको थियो । ती कामदारलाई मोतिहार काया मक्स कम्पनीले क्वालालम्पुर विमानस्थलको मास कार्गो कम्पनीमा सप्लाई गर्दै आएको थियो ।

प्रकाशित : चैत्र २५, २०७५ १९:२९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?