फोनिज यूकेको 'द जर्नलिस्ट' सार्वजनिक

कान्तिपुर संवाददाता

बेलायत — नेपाल आदिवासी जनजाति पत्रकार महासंघ (फोनिज) यूकेको वार्षिक प्रकाशन 'द जर्नलिस्ट' को दोस्रो अंक सार्वजनिक भएको छ । शुक्रबार बेलायतको अल्डरसटस्थित एम्पायर ब्याक्वेट हलमा आयोजित समारोहमा उक्त स्मारिक सार्वजनिक गरिएको हो ।

नेपाल आदिवासी जनजाति महासंघ यूकेका अध्यक्ष जंग सुनुवार, फोनिज यूकेका संस्थापक अध्यक्ष पूर्ण गुरुङ र वर्तमान अध्यक्ष प्रमिला लाबुङ राई, सल्लाहकारहरु सोनाम छिरिङ शेर्पा, एकेन्द्र गुरुङ, नेपाल पत्रकार महासंघ कास्कीका अध्यक्ष दीपेन्द्र गुरुङलगायतले संयुक्त रुपमा विमोचन गरेका हुन् ।
यो प्रकाशनको सल्लाहकारमा फोनिज केन्द्रका अध्यक्ष डण्डबहादुर गुरुङ र फोनिज यूकेका अध्यक्ष प्रमिला लाबुङ राई रहेका छन् । यसको प्रधान सम्पादक सोनाम छिरिङ शेर्पा र नेपाल सम्पादक गणेश राई तथा फोटो पत्रकार मिलन तमु रहेका छन् । प्रकाशनमा बहुजाति, बहुभाषा, बहुसंस्कृति, बहुधार्मिक लोकतान्त्रिक गणतान्त्रिक देश नेपाललाई हेर्न सकिने सामग्रीहरू समेटिएका छन् ।

फोनिज विश्वभरि छरिएर रहेका आदिवासी जनजाति पत्रकारहरूको पेसागत संगठन हो । बेलायतमा कार्यरत जनजाति पत्रकारहरूले सन् २०१३ मा फोनिज यूके गठन गरेका हुन् ।

प्रकाशित : जेष्ठ १८, २०७६ १८:४२
ADVERTISEMENT
प्रतिक्रिया
पठाउनुहोस्

भारतीय विदेश मन्त्रीलाई देउवाको शुभकामना

कान्तिपुर संवाददाता

काठमाडौँ — कांग्रेस सभापति शेरबहादुर देउवाले भारतीय विदेशमन्क्रीमा नियुत्त भएका एस जयशंकरलाई बधाई दिएका छन् ।

भारतीय दूतावासमार्फत शनिबार बधाई सन्देश पठाउँदै देउवाले भनेका छन्, ‘तपाईंको विदेश सेवामा लामो योगदान र अनुभवले प्रधानमन्त्री नरेन्द्र मोदीको नेतृत्वमा भारतले वैदेशिक मामिलामा नयाँ उचाइ लिने मलाई विश्वास छ ।’

देउवाले विदेश सचिव रहेका बेला जयशंकरसित भएका बैठकमा प्रस्तुत व्यक्तिगत ज्ञान र क्षमता स्मरण गरेको उल्लेख गरेका छन् । ‘तपाईंको विदेशमन्त्रीको कार्यकालमा नेपाल र भारतबीचको सम्बन्ध अझै बलियो हुनेमा आशावादी छु,’ देउवाले सन्देशमा भनेका छन् ।



प्रकाशित : जेष्ठ १८, २०७६ १८:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT