मलेसियामा ३२ जना नेपाली पक्राउ

अध्यागमन कानुन उल्लंघन गरेको आरोप
कान्तिपुर संवाददाता

क्वालालम्पुर — मलेसियामा आयोजना हुने भनिएको एक सांगितिक कार्यक्रमका लागि मलेसिया आएका ३ जना कलाकारसहित ३२ जनालाई मलेसियाली अध्यागमनले नियन्त्रणमा लिएको छ । 

प्रतिकात्मक तस्बिर ।

एसएसओजी धमाका वान नामक सांगीतिक कार्यक्रमका लागि मलेसिया आएका गायिकाद्धय श्रेया राई, सुनिता थेगिम, गायक सुजन आङदम्बेसहित स्थानीय नेपाली कलाकार र आयोजक गत बिहीबार पक्राउ परेका हुन् । मलेसियाली अध्यागमन नियम कानुन उल्लंघन गरेको आरोपमा उनीहरुलाई कार्यक्रम शुरु हुनु अगावैदेखि खानतलासी गरी नियन्त्रणमा लिइएको बताइएको छ ।

कार्यक्रम आयोजना गरिएको स्थल क्वालालम्पुरको कोताराय कम्प्लेक्सबाटै उनीहरुलाई नियन्त्रणमा लिइएको र हाल पुत्राजयास्थित अध्यागमनको हिरासत गृहमा राखिएको जानकारी प्राप्त भएको नेपाली दूतावासले जनाएको छ ।

दुतावासका अनुसार अध्यागमनको नियन्त्रणमा रहेकामा २० जना पुरुष र १२ जना महिलाहरु छन् । ईदको अवसरमा आयोजना गरिएको उक्त सांगीतक कार्यक्रम शुरु हुनु अगावैदेखि सादा पोशाकमा आएका प्रहरीले सहभागीहरुमाथि धरपकडगरेका थिए ।

दुतावासले पक्राउ परेका नेपालीहरुको अवस्था बुझी रिहाइ अथवा सुरक्षित फिर्तीको पहल गर्ने तयारी भइरहेको छ ।

‘हामीले उक्त घटनाबारे मलेसियाको अध्यागमन विभागसाग जानकारी मागेका थियौ, ३२ जना नेपालीहरु नियन्त्रणमा रहेको जानकारी पाएका छौं । अब सोमबार कार्यालयहरु सुचारु भएपछि आवश्यक पहल गर्छौं,’ मिनिस्टर काउन्सिलर कुमारराज खरेलले कान्तिपुरलाई भने ।

प्रकाशित : जेष्ठ २६, २०७६ १४:४७
ADVERTISEMENT
प्रतिक्रिया
पठाउनुहोस्

देवदहमा एक युवकको हत्या 

अमृता अनमोल

काठमाडौँ — रुपन्देहीको देवदहमा एक युवकको हत्या भएको छ । देवदह नगरपालिका–८, विशालनगरका २८ वर्षीय सुमन थापाको  हत्या भएको हो ।

हिजो साँझ कुटपिटबाट गम्भीर थापाको उपचारका क्रममा देवदह मेडिकल कलेज भलुहीमा मृत्यु भएको इलाका प्रहरी कार्यालय, बुटवलका प्रहरी नायव उपरीक्षक डिलबहादुर मल्लले बताउ ।

बेहोस अवस्थामा फेला परेका थापाको निधार र छातीमा निलडाम भेटिएको थियो । प्रहरीले थापाको हत्यामा संलग्नको आशंकामा ५ जनालाई नियन्त्रणमा लिएको छ । आफ्नै साथीभाइले कुटपिट गरेको आशंकामा उनीहरुलाई नियन्त्रणमा लिइएको हो । उनीहरुमाथि थप अनुसन्धान भैरहेको प्रहरीले जनाएको छ ।

प्रकाशित : जेष्ठ २६, २०७६ १४:४४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT