एनआरएनए अस्ट्रेलियामा केशव कँडेल

नारायण खड्का

अस्ट्रेलिया — गैर आवासीय नेपाली संघ (एनआरएनए) अस्ट्रेलियाको नेतृत्वमा केशव कँडेल निर्वाचित भएका छन् । शनिबार भएको निर्वाचनमा उनले प्रतिद्वन्द्वी दिनेश पोखरेललाई पराजित गर्दै एनआरएनए अस्ट्रेलियाको नेतृत्व लिन सफल बनेका हुन् ।

निर्वाचनबाट महासचिवमा डा. ज्ञानेन्द्र रेग्मी, सचिवमा उषाकिरण बारिया, कोषाध्यक्षमा अनिल पोखरेल र युवा संयोजकमा इर्षाद अहमद चुनिएका छन् । यसैगरी अस्ट्रेलियाका ६ राज्यहरु तथा दुई टेरिटोरीमा समेत नेतृत्व छानिएका छन् ।

निर्वाचन समितिका अनुसार न्यु साउथ वेल्समा देवबहादुर गुरुङ, दक्षिण अस्ट्रेलियाबाट नविन पन्त, भिक्टोरियामा प्रेम कँडेल, क्युन्सल्याण्डमा उमेश खड्का, अस्ट्रेलियन क्यापिटल टेरिटोरीमा चुणामणि सापकोटा र पश्चिम अस्ट्रेलियामा कृष्णमान श्रेष्ठ निर्वाचित भएका छन् । तास्मानिया र डार्बिनमा क्रमशः सन्देश परियार र हेम पुन यसअघि नै निर्विरोध निर्वाचित भइसकेका थिए ।

एनआरएनए अस्ट्रेलियाले हरेक दुई वर्षमा नेतृत्वका लागि निर्वाचन गर्छ । निर्वाचन आयोगका प्रमुख आयुक्त मन केसीले विजयी उमेदवारहरुको घोषणा गरेका हुन् । जम्मा १२ हजार मतदाता रहेको अस्ट्रेलियामा करिव ७० प्रतिशत मत खसेको थियो । अध्यक्षमा निर्वाचित भएपछि कँडेलले निर्वाचनमा हारजित सामान्य कुरा भएकाले सबैसँग मिलेर काम गर्ने बताए । उनले आफूले निर्वाचनताका घोषणा गरेको सबै एजेण्डाहरुलाई पुरा गर्न प्रतिवद्ध भएर लाग्ने सुनाए ।

निर्वाचनमा बामपन्थी र कांग्रेस समर्थकहरुले अलग अलग प्यानल बनाएर निर्वाचनमा उम्मेदवारी दिएका थिए । विद्युतीय प्रणालीबाट गरिएको निर्वाचनको नतिजा शनिबार राति सार्वजनिक गरिएको थियो । विश्व एनआरएनएमा सबैभन्दा धेरै मतदाता रहेको देशको रुपमा चिनिएको अस्ट्रेलियाको मतदानलाई महत्वका साथ हेरिएको थियो । विभिन्न दुई प्यानलबाट चुनावमा आएका उम्मेदवारहरुको चुनावी प्रचारप्रसारले नेपालकै चुनावको झल्को समेत दिएको थियो ।

प्रकाशित : असार २२, २०७६ १२:०८
प्रतिक्रिया
पठाउनुहोस्

महानगरमा पार्किङ व्यवस्थित गर्न माग

कान्तिपुर संवाददाता

(मोरङ) — प्रदेश सभा सदस्य उपेन्द्रप्रसाद घिमिरेले प्रदेश सभामा शून्य समयमा बोल्दै प्रदेशका सहरमा पार्किङ व्यवस्थित गर्न सरकारको ध्यानाकर्षण गराएका छन् । उनले प्रदेश सरकारले ऐन ल्याएरै भए पनि पार्किङ व्यवस्थित गर्दै त्यसलाई आम्दानीको स्रोतसमेत बनाउन माग गरेका हुन् । 

विराटनगर, इटहरी, धरान, दमक, काँकडभिट्टा, भद्रपुरलगायतका सहरमा सडकमा नै सानादेखि ठूला सवारी साधन पार्किङ हुँदै आएकाले दुर्घटनाको जोखिम बढ्नुका साथै सहर अस्तव्यस्त देखिएको छ ।

‘स्थानीय तहले व्यवस्थित पार्किङ स्थल निर्माण गरेर पार्किङ शुल्कलाई आम्दानीको स्रोत बनाउनु पर्छ,’ उनले भने, ‘हाम्रो प्रदेशमा पार्किङबाट २ अर्ब बढी आम्दानी हुने देखिन्छ ।’ व्यवस्थित पार्किङले सहरको सुन्दरता वृद्धि, दुर्घटना न्यूनीकरण र आमदानीको स्रो वृद्धि हुने कामलाई कार्यान्वयन गर्न प्रदेश सरकारले तत्काल ऐन ल्याउनु पर्ने उनको भनाई थियो । अर्का सांसद शिवनारायण गनगाईले सुनवर्षी ९ मा मस्जिदमा निर्माणाधीन शौचालयमा निसासिएर मृत्युभएका परिवारलाई राहत उपलब्ध गराउन सरकारसँग माग गरे । निर्माणाधीन शौचालयको सेफ्टी ट्यांकीभित्र सेटरिङ खोल्न पसेकालाई उद्धार गर्न एकपछि अर्को व्यक्ति पसेपछि चार जनाको निसासिएर मृत्यु भएको थियो ।
सांसद प्रकाशप्रताप हाङगामले फाक्तालुङ गाउँपालिकाका असिना पीडित कृषकलाई राहत उपलब्ध गराउन प्रदेश सरकारसँग माग गरे ।

उनले प्रदेश सरकारले सामानुपातिक र प्रत्यक्ष निर्वाचित सांसदका लागि छुट्टाछुट्टै पूर्वाधार विकास कार्यक्रमअन्तर्गत बजेट विनियोजनले अपमानित भएको बताए । ‘समान हैसियत भएका प्रत्यक्ष र समानुपातिक सांसदको हैसियत पूर्वाधार विकास कार्यक्रमले तल–माथि भएको छ,’ उनले भने, ‘प्रत्यक्ष निर्वार्चितलाई ३ करोड र सामानुपातिकलाई ५० लाख विनियोजन गरेर समानुपातिकको कम हैसियत देखिन गएको हो ।’ उनले यसले समानुपातिक
सांसदहरू समाजमा आलोचित हुन थालेको बताए ।

प्रकाशित : असार २२, २०७६ १२:०५
पूरा पढ्नुहोस्
प्रतिक्रिया
पठाउनुहोस्