न्यू इयरमा सँगै

मुम्बई (एजेन्सी) — बलिउड नायिका प्रियंका चोपडा र नायक साहिद कपुरबीच सम्बन्ध टुटेको हल्ला फिक्का बन्दै छ । यी दुईले नयाँवर्ष सँगै मनाउने खबरले फ्यानहरूलाई खुसी तुल्याइदिएको छ । विभिन्न सञ्चारमाध्यमबाट यी दुईको सम्बन्ध टुटेको खबर बाहिर आएको थियो ।


दुवैजनाले नयाँवर्ष २०११ चण्डिगढमा सँगै मनाउने तयारी गरिरहेका छन् । पि्रयंका चण्डिगढमा आउँदै छिन् भने साहिद 'मौसम' फिल्मको सुटिङ क्रममा त्यही छन् । भनिएको छ, 'साहिदले एक साताको छुट्टी लिएर पि्रयंकासँग महत्त्वपूर्ण समय बिताउनेछन् ।'
फिल्म निर्माता करन जोहरको 'च्याट' सो 'कफी विथ् करन' मा यो जोडीले पहिलेका मनमुटावबारे आत्मासमीक्षा गरे । भेटेर साना-तिना समस्याको समाधान गर्नुपर्छ भनेर यी दुवैले थाहा पाए । त्यसैले नयाँवर्ष मनाउन पि्रयंका आफ्नो पे्रमी साहिदलाई भेट्न चण्डिगढ जाँदै छिन् । पि्रयंका र साहिदले विशाल भारद्वाजको 'कामिनी' फिल्म सुटिङ क्रममा 'डेटिङ' सुरु गरेका थिए ।

प्रकाशित : पुस १५, २०६७ ०९:१५
प्रतिक्रिया
पठाउनुहोस्
ADVERTISEMENT

अब रेड स्टुडियो

कान्तिपुर संवाददाता

काठमाडौ — प्राविधिक रूपमा एक फड्को मार्ने गरी नेपाली फिल्म क्षेत्रले बुधबारदेखि उच्च प्रविधिको स्टुडियो पाएको छ ।

डिजिटल माध्यममा फोर के क्यामेराबाट खिच्न र सोही प्रविधिमा पि्र-प्रोडक्सनदेखि पोस्ट प्रोडक्सनसम्म गरी गुणस्तरीय फिल्मको उत्पादन र प्रदर्शन गर्न सकिने रेड स्टुडियोको बुधबार वरिष्ठ निर्देशक यादव खरेलले उद्घाटन गरे । महाराजगन्जमा रहेको स्टुडियोको उद्घाटन भने कमलपोखरीस्थित कुमारी सिनेमा हलमा स्टुडियो भवनको तस्बिर लोकार्पणसहित गरिएको थियो ।
'फिल्म -रिल) बिना फिल्म खिच्नुहोस्' को नारा दिएको उक्त फोर के प्रविधिबाट थ्रीडी फिल्म बनाउनेका लागि पनि प्रभावकारी हुने स्टुडियोले जनाएको छ । उक्त प्रविधिबाट तयार पारिने फिल्मको संगीत र दृश्यांकनमा गुणस्तरीयता आउने मात्र नभई ३२ भाषासम्म सब-टाइटल राख्न सकिने सुविधासमेत हुने जनाइएको छ ।
निर्देशक खरेलले नेपाली फिल्मको बजेट सुहाउँदो गरी प्रविधिको लागत मिल्यो भने विचारलाई प्रष्फुटन गराउनमा रेड प्रविधि सहायक हुने आशा व्यक्त गरे । कार्यक्रममा सोही प्रविधिमा तयार पारिएको फिल्म 'काठमाडौं'का प्रोमो तथा चार गीतको भिडियो देखाइएको थियो । निर्देशक आकाश अधिकारी नै स्टुडियोको अध्यक्ष छन् ।
कार्यक्रममा फेब्रुअरी ४ मा अमेरिकाबाट रिलिज गर्न लागिएको फिल्म 'काठमाडांै' का अडियो क्यासेटको पनि लोकार्पण गरियो । राहुल प्रधानको संगीत रहेको फिल्मका सबै गीत निर्देशक स्वयंले लेखेका हुन् । भारतीय गायक/गायिकाहरू कैलाश खेर, सुकविन्दर सिंह, सुनिधि चौहान, आदित्यनारायण झा, आकृति कक्कड र सञ्जीवनीले फिल्मका गीत गाएका छन् ।
 

प्रकाशित : पुस १५, २०६७ ०९:१५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT