नतालिया सर्वाधिक फाइदाजनक

त्यसैले स्टार सेलिब्रेटीमा पैसा खन्याउनुलाई त्यति महत्त्व दिइँदैन जति कमाउनुमा दिइन्छ । बलिउडमा सलमान खानले आफ्नो भ्यालुलाई बढाइरहेका छन् । तर विश्वकै तथ्यांकलाई हेर्ने हो भने हलिउडकै कलाकारको वर्चस्व देखिन्छ । बिजनेस म्यागाजिनमा चर्चित फोब्र्सले हालै निकालेको एक तथ्यांकले सर्वाधिक नाफामूलक कलाकारमा 'ब्ल्याक स्वान' की मुख्य कलाकार नतालिया पोर्टम्यानलाई देखाएको छ । अथवा उनमा गरिएको लगानीमा सबैभन्दा बढी नाफा भएको छ । १३ मिलियन डलरको 'ब्ल्याक स्वान' ले ३२९ मिलियन डलर कमाइ गरेको थियो । नतालियालाई 'ट्वालाइट' नायिका क्रिस्टिन स्टुवार्टले पछ्याउँदै सूचीको दोस्रो स्थानमा परेकी छन् । २२ वर्षीया नायिकाले पछिल्लो फिल्म 'ट्वालाइट सागा' का दुई फिल्मका लागि २५ मिलियन डलर पारिश्रमिक लिएकी थिइन् भने बदलामा निर्मातालाई पहिलो फिल्मबाट ३ सय मिलियनको कमाइ दिलाएकी थिइन् भने दोस्रो फिल्मले अझै कमाइ गरिरहेको छ । सूचीको तेस्रो नम्बरमा क्रिस्टिनकै प्रेमी रोबर्ट प्याटिन्सनले बाजी मारेका छन् भने चौथो स्थानमा 'ट्रान्सर्फमर्स' का सिया लाबियुफ र पाचौंमा 'ह्यारी पोर्टर' नायक ड्यानियल र्‍याडक्लफ अटाएका छन् ।

प्रकाशित : पुस १५, २०६९ ०९:४९