धुर्मुस–सुन्तलीका सत्कर्म डकुमेन्ट्रीमा

कान्तिपुर संवाददाता

काठमाडौं — कलाकार सिताराम कट्टेल ‘धुर्मुस’ र कुञ्जना घिमिरे ‘सुन्तली’को सामाजिक अभियानमा बेखबर नेपाली सायदै कम होलान् । देशमा होस् या विदेशमा यो जोडीको सत्कर्मले उनीहरुप्रति श्रद्धा जगाउँछ ।

भूकम्पले खुला आकाशमुनि जीवन छाडा छाडेकाहरुलाई न्यानो, बलियो घरसम्म ल्याएका उनीहरु अहिले तराईको अति पिछडिएको समूदायको सिरेटो रोक्न महोत्तरी पुगेका छन् । काभ्रेको पहरी बस्ती र सिन्धुपाल्चोकको गिरानचौरका भूकम्पपीडितलाई घर बनाएर तराई झरेका धुर्मुस–सुन्तलीले अबको चार सातामा मुसहर वस्तीलाई लोभलाग्दा घर उपहार दिंदैछन् ।

नेपालमा कलाकारको भविष्य अझै सुरक्षित छैन । आफ्नो भविष्यको कुनै चिन्ता नलिएका धुर्मुस–सुन्तलीले गरेको सेवाले भने जनताको सेवा गर्न बसेका राजनीतिक दल, तिनका नेता र अर्बौं रुपैयाँ तलबमा मात्रै बुझ्दै आएको कर्मचारी प्रशासन पनि पानी पानी हुन्छ ।

हो, यही जोडीको कथालाई सञ्चारकर्मी राधाकृष्ण धितालले संक्षिप्त डकुमेन्ट्रीमार्फत देखाएका छन् । ‘धुर्मुस सुन्तलीलाई धेरैले पैसा सहयोग गरे, हुनेले सरसामान पनि सहयोग गरे,’ उनी भन्छन्, ‘एक टेलिभिजन पत्रकारको नाताले उनको अभियानलाई अन्तर्राष्ट्रियकरण गर्न सहयोग पुगोस् भनेर डकुमेन्ट्री निर्माण गरेको हुँ ।’

अंग्रेजीमा बनाइएको डकुेमन्ट्रीमा धुर्मुस सुन्तलीको तीनवटै सामाजिक आयोजनाहरुको अभिलेखिकरण गरिएको छ । काम गर्दाका कथा व्यथाको त महाभारत नै बन्ला, तर केही अंशहरु समेटिएका छन् ।

आशा छ मुसहर बस्तीमा आर्थिक संकट व्यहोरिरहेको धुर्मुस–सुन्तली फाउण्डेसनलाई केही राहत मिल्ला कि ?

प्रकाशित : चैत्र ६, २०७३ १९:१७
प्रतिक्रिया
पठाउनुहोस्

लन्डनको स्पिकर्स कर्नरमा ‘युरेसियाको स्पर्श’ सार्वजनिक

कान्तिपुर संवाददाता

काठमाडौं — लन्डनको ‘स्पिकर्स कर्नर’मा साहित्यकार कृष्ण बजगाईंको नियात्रासङ्ग्रह ‘युरेसियाको स्पर्श’ सार्वजनिक गरियो । साझा प्रकाशनका अध्यक्ष तथा महाप्रबन्धक डोलिन्द्र शर्माले उक्त पुस्तक सार्वजनिक गरेका हुन् ।

अभिब्यक्ति स्वतन्त्रताका लागि कानूनद्वारा संरक्षित ऐतिहासिक स्थल स्पिकर्स कर्नरबाट पुस्तक सार्वजनिक गर्न पाउादा आफूलाई खुशी लागेको कुरा शर्माले बताए  । 

बेलायतका नेपालीहरुको साहित्यमा रुची देखेर प्रशन्नता ब्यक्त गर्दै आगामी दिनमा साझा प्रकाशनले बेलायती स्रष्टाहरुका कृति प्रकाशन गरिदैं जाने कुरा बताए । 

नेपाल बेलायतको दौत्य सम्बन्ध कायम भएको द्विशतवार्षिकीको अवसरमा नेपाली दूतावास लन्डनमा आयोजित पुस्तक प्रदर्शनीमा साझा प्रकाशनका दुइसय शिर्षकका तीनहजार थान पुस्तकको लिएर महाप्रबन्धक शर्मा बेलायत आएका हुन् ।लन्डनमा जारी पुस्तक प्रदर्शनी फलदायी रहेको बताउादैसाझा प्रकाशन बचाउन बेलायतमा रहेका नेपाली स्रष्टाहरुबाट सहयोगको अपेक्षा राखेको कुरा बताए ।

लामो समयदेखि बेलायतमा रहेर कथा, लघुकथा, नियात्रा, कविता आदि विधामा कलम चलाउादै आएका साहित्यकार बजगाईंकोसातौं कृति ‘युरेसियाको स्पर्श’साझा प्रकाशनले बजारमा ल्याएको हो । चीन, जर्मनी, बेलायत, फ्रान्स, बेल्जियम तथा लक्जेम्बर्गका सत्रवटा यात्रानुभूति उक्त पुस्तकमा रहेका छन् ।

प्रकाशित : चैत्र ६, २०७३ १९:१७
पूरा पढ्नुहोस्
प्रतिक्रिया
पठाउनुहोस्