काठमाडौं — एकनारायण भण्डारी लोकदोहोरीका क्षेत्रमा सुपरिचित गीतकार हुन् । नेपाली जनजिब्रोमा झुन्डिने कैयौं गीत दिएका भण्डारी केही वर्षयता मनोरञ्जनका लागि मात्रै भन्दा पनि सन्देशमूलक गीतिकारितामा लागिपरेका छन् । यही मेसोमा हालै उनी नयाँ गीत र त्यसको म्युजिक भिडियोसहित आएका छन् :
हे भगवान्, पर्यो जवाफ दिन
उनलाई मात्र माया गर्ने मुटु दिएर मलाई
उनैलाई मैले नपाउने भाग्य लेख्यौ किन ?
विष्णु माझी र रामजी खाँडले गाएको यो गीतमा भण्डारीले महिलालाई पृथ्वीसँग तुलना गरेका छन् । पृथ्वीझैं महिलाले पनि दु:खसुखका अनेक पत्र सँगाल्नुपर्ने बाध्यता रहेको यथार्थ यसमा व्यक्त गर्न खोजिएको छ ।
भण्डारीकै लय रहेको म्युजिक भिडियोमा रञ्जिता गुरुङ, महेन्द्र गौतम र जनकले खेलेका छन् ।
प्रकाशित : वैशाख २५, २०७४ १७:३३प्रतिक्रिया