घरेलु दर्शक बढाउन हेटौंडामा अवार्ड

कान्तिपुर संवाददाता

काठमाडौं — गत वर्ष पोखरामा आठौं संस्करणको आयोजनसँगै राजधानीबाट विकेन्द्रित भएको डी सिने अवार्ड यसपटक हेटौंडामा हुने भएको छ ।


डिजिटल फम्र्याटमा बनेका फिल्मलाई लक्ष्य गर्दै गर्न थालिएको उक्त अवार्डको नवौं संस्करणका लागि गत वर्ष रिलिज फिल्मको दर्ता प्रक्रियासँगै जुरीहरूबाट फिल्म हेर्ने काम चलिरहेको अवार्ड अध्यक्ष शान्तिप्रियले बताए । 
डी सिने अवार्डमा निर्देशक मोहन निरौलाको संयोजकत्वमा पत्रकारद्वय विजयरत्न तुलाधर र डब्बु क्षत्री तथा संगीतकार सन्तोष श्रेष्ठ, छायाँकार शबनम मुखिया निर्णायकमा छन् । 
‘हामीले गत वर्षदेखि अवार्डलाई मोफसलमा लगिरहेका छौं र यसलाई निरन्तरता दिँदै यसपालि हेटौंडामा गर्न लागेका हौं,’ पछिल्ला वर्षमा स्वदेशी अवार्ड विदेशमा सञ्चालन गर्ने हीम चलिरहेको सन्दर्भमा अध्यक्ष शान्तिप्रियले भने, ‘फिल्मलाई आन्तरिक रूपमै प्रवद्र्धन गर्ने उद्देश्यले हामीले मोफसलतिर अवार्ड लगेका हौं । हाम्रो फिल्मको बजार घरमा बलियो भएपछि मात्र बाहिर जानुपर्छ भन्ने मान्यता हो । किनकि हाम्रो पहिलो प्राथमिकता घरेलु दर्शक नै हुन् ।’

 

प्रकाशित : जेष्ठ २, २०७४ १६:३७
ADVERTISEMENT
ADVERTISEMENT
प्रतिक्रिया
पठाउनुहोस्

साइन्टिस्ट अब ‘मिस यूएसए’

मिस यूएसएको ताज यस पालि २५ वर्षीया सुन्दरी कारा म्याक्कुलोफले जितेकी छन् । कारा न्युक्लिअर रेगुलेटोरी कमिसनकी फिजिकल साइन्टिस्ट हुन् । अब उनी अमेरिकाको प्रतिनिधित्व गर्दै मिस युनिभर्समा भिड्नेछिन् ।


लास भेगासमा आइतबार साँझ आयोजित प्रतियोगितामा सोधिएको प्रश्नको जवाफका कारण काराले ताज जिते पनि त्यसले सोसल मिडियामा भने विवाद निम्त्याएको छ । उनले आफू नारीवादी नभएको तर्क गर्दै जनतामा स्वास्थ्यसम्बन्धी चेतना हुनु जरुरी रहेको बताएकी थिइन् । ‘म आफूलाई नारीवादी भनेर चिनाउन चाहँदिनँ,’ उनले निर्णायकहरूको प्रश्नको जवाफमा भनेकी थिइन्, ‘हामी महिलाहरू पुरुषकै हाराहारीमा समान हुने हो । अझ खासगरी कार्यक्षेत्रमा ।’
काराले आफूले नारीवादमा भन्दा समानतामा वकालत गर्न रुचाउने बताएकी थिइन् । ताज जितेपछिको संक्षिप्त कुराकानीमा सुन्दरीले भनिन्, ‘हामी यहाँ लामो यात्राका लागि आएका हौं र गर्नु धेरै छ । घरभित्र (अमेरिकामा) त हामीले प्रगति गरिरहेकै छौं, मलाई विश्वास छ, अब हामीले एक दिन लैंगिक समानता पाउनेछौं ।’
काराको जवाफलाई सोसल मिडिया युजर्सले परम्परागत भन्दै त्यसको विरोध गरेका छन् ।
मिस यूएसएले भने उपाधि जितेर आफूलाई अवसर दिएकोमा धन्यवाद व्यक्त गर्दै भनिन्, ‘म अब राष्ट्रियस्तरमा धेरैभन्दा धेरै महिलालाई उनीहरूका इच्छा, आकांक्षा प्राप्तिका लागि उत्प्रेरणा जगाउन मद्दत गर्नेछु । जुनसुकै विषयप्रतिको आकांक्षा किन नहोस्, यदि आफ्नो कामलाई साँच्चिकै मन लगाएर गर्ने गरे कठिन भन्ने केही छैन भनेर बुझाउन चाहन्छु ।’
कारा त्यो कमिसनमा रहेर बालबालिकाका लागि साइन्स प्रोग्राम चलाउँदै आएकी थिइन् ।

प्रकाशित : जेष्ठ २, २०७४ १६:३७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT