देश खोज्ने समय भदौ

यसअघि नै ट्रेलर सार्वजनिक गरिसकेको फिल्मले भुटानी शरणार्थीको मर्मलाई समेटेको छनक देखाएको थियो । त्यसबाहेक ‘छातीमा लागेको...’ बोलको गीतले पनि प्रशंसा बटुलिरहेको छ ।

फिल्ममा दुई दशकभन्दा बढी समयदेखि नेपालमा शरणार्थीको जीवन बिताउन बाध्य भुटानीको मौलिक, रहस्यात्मक तथा पारिवारिक जीवनका आन्तरिक तथा बाहय द्वन्द्वलाई उजागर गरिएको बताइएको छ ।

फिल्ममा हेमन्त बुढाथोकी, बाबु बोगटी, मीना कोइराला, अरुणा कार्की, सरिता वली, तिब्बत राई, एलपी जोशी, शिवशंकर थापा, केशव आचार्य, टंक विकल्प, सुवास थापा र प्रताप सुब्बाको अभिनय छ । उपेन्द्र सुब्बाको पटकथा, आभासको संगीत, सञ्जय लामाको छायांकन र मनोरञ्जन श्रेष्ठको सम्पादन रहेको छ । वीरेन्द्र क्षेत्रीले फिल्म निर्माण गरेका हुन् ।