सृजनालाई मिस यूके नेपाल ताज

कान्तिपुर संवाददाता

लन्डन — मिस यूके नेपाल ०१७ को छैटौं संस्करण सृजना गुरुङले जितेकी छन् । आइतबार अबेर बेलायतको अल्डरसटस्थित एम्पायर हलमा सम्पन्न प्रतिष्पर्धामा अन्य ७ सुन्दरीलाई उछिनेर सृजनाले मिस यूके नेपाल ताजसहित आठसय पाउण्ड पाइन् ।

उनलाई गत वर्षकी विजेता टेनिसा रानाले ताज लगाइदिएकी थिइन् । सृजनाले मिस इन्टेलेक्चुअल टाइटिल समेत जितेकी छन् । हाल लन्डन बस्ने पोखरा स्थायी घर भएकी २४ वर्षीया सृजना बायो मेडिकल साइन्सकी विद्यार्थी हुन् ।

पिपल मोर्गेजेज मिस यूके नेपाल प्रतियोगितामा फष्ट रनर अप सुजना पुन र सेकेन्ड रनरअप लिसा सुनार भए । ६ अन्य सबटाइटल अन्तर्गत एलिन गर्बुजाले मिस पब्लिक च्वाइस, मिस पर्सनालिटी र ब्युटी वीथ दि परपोज गरि तीन उपाधि जितिन् भने लिसा सुनार मिस टयालेन्ट भइन् ।

प्रतियोगिताको निर्णायकमा कृष्ण भट्ट, विमला सेने, गायक आनन्द कार्की, दुर्गा गुरुङ र डा. रेणुका गुरुङ थिए ।

कार्यक्रमका प्रमुख अतिथि दूतावासका उपनियोग प्रमुख शरदराज आरणले प्रवासमा नयाँ प्रतिभाको खोजी गरिनु सरहानीय भएको बताउँदै यसले नेपाली कला संस्कृति र भाषाको जगेर्ना समेत गर्ने धारणा राखे ।

प्रतिष्पर्धीलाई प्रशिक्षण दिन महिना दिन यता बेलायत रहेकी पूर्व मिस नेपाल माल्भिका सुब्बाले सबै ८ प्रतियोगीले नै उपाधि जितेको बताइन् । ‘शुरुमा उनीहरु बोल्न समेत लजाउने स्वभावका थिए’, माल्भिकाले भनिन्, ‘तर प्रतियोगिताको अन्तिम दिनसम्म आइपुग्दा प्रतियोगीमा जसरी आत्मबल बढ्यो त्यो नै जित हो ।’ माल्भिकाले विजयी सुन्दरीहरुलाई सामुदायिक सेवामा लाग्न पनि सुझाइन् ।

इभेन्टस एण्ड आइडियाज प्रोडक्सनले सन् २०१० देखि मिस यूके नेपाल प्रतियोगिता आयोजना गर्दै आएको छ ।

प्रोडक्सनकी निर्देशक शान्ति गुरुङले स्वागत मन्तव्य व्यक्त गर्दै नयां प्रतिभाहरुलाई अवसर दिने आफूहरुको प्रयास रहेको बताइन् । निलम गुरुङले संयोजन गरेको उक्त कार्यक्रममा विभिन्न नाच र गायन समेत प्रस्तुत गरिएको थियो ।

प्रकाशित : भाद्र २६, २०७४ १७:२३
ADVERTISEMENT
प्रतिक्रिया
पठाउनुहोस्
ADVERTISEMENT

कान्छीमाया कोजुलाई पिपुल्स च्वाइस अवार्ड

पल्सर स्पोर्टस् अवार्ड
कान्तिपुर संवाददाता

काठमाडौं — म्याराथन र हाफ म्याराथनमा राष्ट्रिय कीर्तिमान कायम गरेकी कान्छुमाया कोजुले पल्सर स्पोर्टस् अवार्डमा पिपुल्स च्वाइस विधामा अवार्ड जितेकी छन् । नेपाल खेलकुन पत्रकार मञ्चले स्थापना गरेको अवार्ड कोजुलाई सोमबार आयोजित समारोहमा हस्तान्तरण गरिएको हो ।

उनी अघिल्लो वर्ष आयोजित ५ वटा हाफ म्याराथनमा पहिलो भएकी थिइन् । उनले काठमाडौं म्याराथनमा राष्ट्रिय कीर्तिमानसहित स्वर्ण पदक जितेकी थिइन् भने पिंकाथन हाफ म्याराथनमा पनि उनी कीर्तिमानसहित स्वर्ण जित्न सफल भइन् ।

न्यू ताइपेई सिटी म्याराथनमा उनले ११ औं स्थानमा दौंड पूरा गरेकी थिइन् । यो अवार्ड एसएमएस भोटिङ र फेसबुक लाइकको आधारमा निर्धारण गरिएको हो ।

 

प्रकाशित : भाद्र २६, २०७४ १७:२३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT